Noyabrın 13-də saat 19:50-də Ermənistan Silahlı Qüvvələrinin bölmələri Goranboy rayonunun işğal olunmuş Talış kəndinin şimal-şərqində yerləşən mövqelərindən Azərbaycan Respublikası Silahlı Qüvvələrinin həmin rayonun Borsunlu kəndi sahəsindəki mövqelərini qumbaraatanlardan atəşə tutmuşlar.

Azərbaycan Respublikası ilə NATO arasında fərdi proqrama uyğun olaraq “Sülh Naminə Tərəfdaşlıq” proqramı çərçivəsində noyabrın 3-dən 5-dək Verona (İtaliya) şəhərində NATO-nun tərəfdaş ölkələrlə əməkdaşlıq konfransı,noyabrın 3-dən 6-dək isə Brüssel (Belçika Krallığı) şəhərində maddi təminat üzrə işçi qrupun 30-cu görüşü keçirilir.

Noyabrın 2-də saat 16:35-dən 17:35-dək Ermənistan Respublikası Silahlı Qüvvələrinin bölmələri Noyemberyan rayonu ərazisində yerləşən mövqelərindən Azərbaycan Respublikası Silahlı Qüvvələrinin Qazax rayonunun Kəkil dağı ərazisində yerləşən mövqelərini avtomatlardan və iriçaplı pulemyotlardan atəşə tutmuşlar.

Azərbaycan Respublikası ilə NATO arasında fərdi proqrama uyğun olaraq “Sülh Naminə Tərəfdaşlıq” proqramı çərçivəsində noyabrın 2-dən 6-dək Oberomerqau (AFR) şəhərində “Ehtiyat qüvvələrin səfərbər edilməsi”, noyabrın 2-dən 13-dək “Kütləvi qırğın silahlarından müdafiə üzrə təlimlər və əməliyyatların planlaşdırılması üzrə” kurslar, noyabrın 2-dən 6-dək isə Bonn (AFR) şəhərində təlim-təhsilin inkişafı üzrə işçi qrupun görüşü keçirilir.

Oktyabrın 27-də saat 11:00-dan 14:08-dək Ermənistan Respublikası Silahlı Qüvvələrinin bölmələri İcevan rayonunun Berkaber yaşayış məntəqəsi ərazisində yerləşən mövqelərindən Azərbaycan Respublikası Silahlı Qüvvələrinin Qazax rayonunun Məzəmli kəndi sahəsində yerləşən bölmələrini müxtəlif növ atıcı silahlardan atəşə tutmuşlar.

Azərbaycan Respublikası ilə NATO arasında imzalanmış fərdi proqrama uyğun olaraq oktyabrın 26-da Brüssel şəhərində (Belçika Krallığı) “Neft avadanlıqlarına xidmət edilməsi” məsələləri üzrə işçi qrupun görüşü, oktyabrın 26-dan 27-dək hərbi standartlaşdırma məsələləri üzrə tərəfdaş ölkələr üçün simpozium, oktyabrın 26-dan 30-dək isə Oberammergau şəhərində (AFR) NATO-nun “Avropada təhlükəsizlik üzrə əməkdaşlıq” və tərəfdaş ölkələrlə NATO-nun çoxmilli qüvvələri üzrə kursları keçiriləcəkdir.

Oktyabrın 24-də saat 02:30-dan 02:50-dək Ermənistan Respublikası Silahlı Qüvvələrinin bölmələri Ararat rayonunun ərazisində yerləşən Ucubis yüksəkliyindən Azərbaycan Respublikası Silahlı Qüvvələrinin Naxçıvan MR-nın Sədərək rayonu ərazisində yerləşən mövqelərini avtomatik silahlardan atəşə tutmuşlar.

Oktyabrın 22-də Azərbaycan Respublikasının Müdafiə nazirinin səlahiyyətlərini icra edən general-polkovnik S.Əbiyev NATO-nun Genişləndirilməsi və Yeni Demokratik Ölkələr üzrə Köməkçi Komitəsinin sədri cənab Luik Buvardın rəhbərlik etdiyi nümayəndə heyətini qəbul etmişdir.

Oktyabrın 21-də saat 20:10-dan 20:45-dək Ermənistan Respublikası Silahlı Qüvvələrinin bölmələri Berd rayonunun Paravakar yaşayış məntəqəsindəki mövqelərindən Azərbaycan Respublikası Silahlı Qüvvələrinin Ağstafa rayonunun Köhnəqışlaq kəndi sahəsindəki mövqelərini avtomat və pulemyotlardan atəşə tutmuşlar.

Oktyabrın 16-da saat 20:55-dən 21:10-dək Ermənistan Silahlı Qüvvələrinin bölmələri Ağdam rayonunun işğal olunmuş Şuraabad və Nəmirli kəndləri ərazisindəki mövqelərindən Azərbaycan Silahlı Qüvvələrinin əks mövqedə yerləşən bölmələrini atıcı silahlardan atəşə tutmuşlar.