Qazax Dünən gün ərzində və iyunun 30-na keçən gecə saat 2:00-dək Qızıl-Hacılı və Quşçu-Ayrım kəndləri Ermənistan ərazisindən atəşə tutulmuşdur.

Yuxarı Qarabağ bölgəsində vəziyyət gərgin olaraq qalır.

Qazax İyunun 28-dən 29-na keçən gecə Xanlıqlar, Cəfərli, Quşçu-Ayrım, Qızıl-Hacılı kəndləri Ermənistan ərazisindən müxtəlif təyinatlı silahlardan atəşə tutulmuşdur.

Yuxarı Qarabağ bölgəsində döyüşlər davam edir.

Tərtər İyunun 27-də Qapanlı-Şotlanlı istiqamətində ermənilər hücuma keçmişlər.

Azərbaycan Silahlı Qüvvələrinin bölmələri Yuxarı Qarabağ torpaqlarının düşmənlərdən azad edilməsi uğrunda döyüş əməliyyatlarını bütün cəbhə boyu genişləndirmişlər.

Ağdam İyunun 26-da saat 20-dən 22-dək ermənilər Kətuk kəndi tərəfdən ordumuzun azad etdiyi Ərənzəmin kəndini PDM və toplardan atəşə tutmuşlar.

Əsgəran və Ağdərə istiqamətində döyüşlər davam edir.

Ermənistan televiziyasının verdiyi məlumata görə:“İyunun 25-də saat 11:00 radələrində Azərbaycan Ordusu bölmələri Leninavandan Çerabert, Karmiravandan isə Kaçavan istiqamətində hərəkət edərək Mardakertə daxil olmağa cəhd göstərmişlər.

Tərtər İyunun 26-na keçən gecə əsgərlərimiz Ağdərə ətrafından geri, Tərtər istiqamətinə tərəf çəkilmişlər.