Azərbaycan Respublikasının Müdafiə naziri general-polkovnik Səfər Əbiyevin rəhbərlik etdiyi nümayəndə heyəti iyunun 8-də və 9-da NATO-nun Brüssel şəhərindəki (Belçika Krallığı) qərargah-mənzilində NATO üzvü və tərəfdaş dövlətlərin Avro-Atlantika Tərəfdaşlığı Şurasının növbəti iclasında iştirak etmişdir.

NATO ilə Azərbaycan Respublikası arasında imzalanmış fərdi proqrama uyğun olaraq, “Sülh Naminə Tərəfdaşlıq” proqramı çərçivəsində iyunun 13-dən 16-dək Brüssel şəhərində (Belçika Krallığı) quru qoşunları döyüş sursatlarının qarşılıqlı əvəz olunması məsələləri üzrə NATO üzvü və tərəfdaş dövlətlərin isçi qruplarının ekspertləri səviyyəsində görüş, iyunun 14-dən 16-dək Tallinn şəhərində (Estoniya) tibb məsələləri üzrə seminar və iyunun 15-dən 17-dək Stokholm şəhərində (İsveç) təbii kataklizmlərin aşkar edilməsi və qarşısının alınması sistemi üzrə ekspertlər qrupunun görüşü keçiriləcək.

NATO ilə Azərbaycan Respublikası arasında imzalanmış fərdi proqrama uyğun olaraq, “Sülh Naminə Tərəfdaşlıq” proqramı çərçivəsində iyunun 12-dən 16-dək Balıkəsir şəhərində (Türkiyə) yanacaq standartları və yerüstü nəqliyyat vasitələri üçün yanacağın bölüşdürülməsi üzrə kurslar, Apavon şəhərində (Böyük Britaniya) təhsil üzrə NATO qruplarının seminarı və iyunun 12-dən 23-dək Oberammergau şəhərində (Almaniya Federativ Respublikası) ətraf mühitin mühafizəsi üzrə NATO kursları keçiriləcək.

İyunun 8-də və 9-da NATO-nun Brüssel (Belçika Krallığı) şəhərindəki qərargah-mənzilində NATO üzvü və tərəfdaş dövlətlərin Müdafiə nazirlərinin növbəti görüşü keçirilir.

İyunun 7-dən 10-dək Müdafiə Nazirliyinin Ordu İdman Klubunda yüngül atletika üzrə Azərbaycan Respublikası Silahlı Qüvvələrinin birinciliyi keçiriləcək.

Mayın 12-dən 22-dək Kalikidi şəhərində (Yunanıstan) Beynalxalq Hərbi İdman Təşkilatının Baş Assambleyasının 55-ci toplantısı keçirilmişdir.

NATO ilə Azərbaycan Respublikası arasında imzalanmış fərdi proqrama uyğun olaraq, “Sülh Naminə Tərəfdaşlıq” proqramı çərçivəsində iyunun 6-dan 18-dək Vaşinqton şəhərində (ABŞ) “Silahlı Qüvvələr ilə kütləvi informasiya vasitələrinin qarşılıqlı əlaqəsi” mövzusunda seminar keçiriləcək.

İyunun 5-dən 7-dək Azərbaycan Respublikası Silahlı Qüvvələri hərbi orkestrlərinin baxış-müsabiqəsi keçiriləcəkdir.

NATO ilə Azərbaycan Respublikası arasında imzalanmış fərdi proqrama uyğun olaraq, “Sülh Naminə Tərəfdaşlıq” proqramı çərçivəsində iyunun 5-dən 9-dək Brüssel şəhərində (Belçika Krallığı) NATO üzvü və tərəfdaş dövlətlərin ekspertləri səviyyəsində tibbi aspektlər üzrə işçi qrupun görüşü; iyunun 5-dən 16-dək isə İzmir şəhərində (Türkiyə) hava məkanının idarə olunması və nəzarəti üzrə kurslar keçiriləcək.

Avropada Adi Silahlı Qüvvələr haqqında müqaviləyə uyğun olaraq, iyunun 1-dən İtaliya Respublikası Silahlı Qüvvələrinin nümayəndələrindən ibarət çoxmillətli inspeksiya qrupu Azərbaycan Respublikası Silahlı Qüvələrində inspeksiya keçirir.