NATO-nun hərbi komitəsinin sədr müavini general-leytenant N.Kexou Cənubi Qafqaz regionu dövlətlərinə səfər çərçivəsində 1997-ci il avqustun 11-dən 13-dək Azərbaycan Respublikasında rəsmi səfərdə olacaqdır.

1997-ci il iyulun 28-dən avqustun 8-dək NATO-nun “Sülh Naminə Tərəfdaşlıq” proqramı çərçivəsində ABŞ-ın Vircinya ştatının Norfolk şəhərində “Kooperativ Osprey” adı altında sülhməramlı təlimlər keçirilir.

1997-ci il iyulun 17-də Yunanıstan Respublikasının müdafiə naziri cənab Akis Tsoxadzopulos və onun rəhbərlik etdiyi nümayəndə heyəti Azərbaycan Respublikasına rəsmi səfərə gəlmişdir.

1997-ci il iyulun 17-18-də Yunanıstan Respublikasının müdafiə naziri Akis Tsoxadzopulos və onun başçılıq etdiyi nümayəndə heyəti Azərbaycan Respublikasına rəsmi səfərə gələcəkdir.

NATO-nun “Sülh Naminə Tərəfdaşlıq” proqramı çərçivəsində 1997-ci il iyulun 7-dən 14-dək Almaniya Federativ Respublikasının Münhen şəhərində tibbi planlaşdırma və iyulun 7-dən 21-dək Oberammergau şəhərində ətraf mühitin mühafizəsi sahəsində Silahlı Qüvvələrin məsuliyyəti məsələləri üzrə kurslar keçirilir.

NATO-nun “Sülh Naminə Tərəfdaşlıq” proqramı çərçivəsində 1997-ci il iyulun 7-dən 14-dək Almaniya Federativ Respublikasının Münhen şəhərində tibbi planlaşdırma və iyulun 7-dən 21-dək Oberammergau şəhərində ətraf mühitin mühafizəsi sahəsində Silahlı Qüvvələrin məsuliyyəti məsələləri üzrə kurslar keçirilir.

1997-ci il iyunun 13-də Şimali Atlantika blokunun qərargah-mənzilində (Belçika krallığı, Brüssel şəhəri) NATO iştirakçısı olan dövlətlərin və tərəfdaşların Müdafiə nazirlərinin müşavirəsi keçiriləcəkdir.

1997-ci il iyunun 11-dən iyulun 2-dək NATO-nun “Sülh Naminə Tərəfdaşlıq” proqramı çərçivəsində ABŞ-ın Vircinya ştatının Norfolk şəhərində “Kooperativ Naqqit” adı altında çoxmillətli təlim keçiriləcəkdir.

1997-ci il iyunun 9-dan 11-dək NATO-nun “Sülh Naminə Tərəfdaşlıq” proqramı çərçivəsində Türkiyə Respublikasının İstanbul şəhərində “Kooperativ Demand” çoxmillətli təliminin əsas planlaşdırılması üzrə konfrans, iyunun 9-dan 14-dək isə Almaniya Federativ Respublikasının Oberammergau şəhərində yerləşən NATO məktəbində sülhməramlı kurslar keçirilir.

1997-ci il iyunun 7-dən 14-dək Böyük Britaniya və Şimali İrlandiya Birləşmiş Krallığının verifikasiya Mərkəzinin dəvəti ilə Avropada Adi Silahlı Qüvvələr (AASQ) haqqında müqavilə və 1994-cü il Vyana sənədi çərçivəsində Silahlar üzərində nəzarət problemləri ilə əlaqədar ikitərəfli hazırlıq tədbirləri təşkil ediləcək.