Azərbaycan Respublikasının Müdafiə naziri general-polkovnik Səfər Əbiyevin rəhbərlik etdiyi nümayəndə heyəti Ukraynanın Müdafiə naziri ordu generalı Aleksandr Kuzmukun dəvətilə NATO-nun “Sülh Naminə Tərəfdaşlıq” proqramı çərçivəsində 27 NATO üzvü və tərəfdaş dövlətin Silahlı Qüvvələri nümayəndələrinin iştirak etdiyi “Sülhün sipəri – 2000” çoxmillətli komanda-qərargah təlimlərində iştirak etmək üçün iyulun 13-də Lvov şəhərinə yola düşmüşdür.

İyulun 12-də 00:50-dən 02:25-dək Ermənistan Silahlı Qüvvələrinin bölmələri Murovdağın işğal olunmuş sahəsindəki mövqelərindən Azərbaycan Silahlı Qüvvələri bölmələrinin Xanlar rayonu ərazisindəki mövqelərini iriçaplı pulemyotlardan və atıcı silahlardan vaxtaşırı atəşə tutmuşlar.

NATO ilə Azərbaycan Respublikası arasında imzalanmış fərdi proqrama uyğun olaraq, “Sülh Naminə Tərəfdaşlıq” proqramı çərçivəsində iyulun 8-dən 22-dək Yavarovo təlim mərkəzində (Ukrayna) “Sülh qalxanı-2000” təlimləri, iyulun 10-dan 15-dək Buxarest şəhərində (Rumıniya) “Kooperativ key” təlimlərinin planlaşdırılması üzrə görüş, iyulun 10-dan 21-dək Oberammergau şəhərində (Almaniya Federativ Respublikası) kütləvi qırğın silahları haqqında xəbərdar etmək və məlumatın verilməsi üzrə kurslar və iyulun 10-dan 22-dək Konstansa şəhərində (Rumıniya) “Refkyu iql” təlimləri keçiriləcəkdir.

ATƏT-in hazırkı sədrinin şəxsi nümayəndəsinin mandatına uyğun olaraq, iyulun 8-də Ermənistan-Azərbaycan cəbhəsinin Ömər aşırımı sahəsində, qoşunların təmas xəttində monitorinq keçiriləcək.

Azərbaycan Respublikasnın Müdafiə naziri general-polkovnik Səfər Əbiyevin rəhbərlik etdiyi nümayəndə heyəti, Amerika Birləşmiş Ştatlarının Müdafə naziri cənab Uilyam S.Koenin dəvətilə iyunun 28-dən iyulun 2-dək Vaşinqton şəhərində rəsmi səfərdə olmuşdur.

Amerika Birləşmiş Ştatlarının Müdafiə naziri cənab Uilyam Koenin dəvətilə Azərbaycan Respublikasının Müdafiə naziri general-polkovnik Səfər Əbiyevin rəhbərlik etdiyi nümayəndə heyəti iyunun 27-də Vaşinqtona rəsmi səfərə yola düşmüşdür.

NATO ilə Azərbaycan Respublikası arasında imzalanmış fərdi proqrama uyğun olaraq, “Sülh Naminə Tərəfdaşlıq” proqramı çərçivəsində iyunun 28-dən 30-dək Budapeşt şəhərində (Macarıstan) NATO-nun cənub komandanlığının maddi-texniki təminat üzrə regional konfransı keçiriləcəkdir.

NATO ilə Azərbaycan Respublikası arasında imzalanmış fərdi proqrama uyğun olaraq, “Sülh Naminə Tərəfdaşlıq” proqramı çərçivəsində iyunun 26-dan 27-dək Verona şəhərində (İtaliya) NATO-nun cənub komandanlığı qərargahının regional seminarı, iyunun 26-dan 30-dək Oberammergau şəhərində (Almaniya Federativ Respublikası) Avropada təhlükəsizlik sahəsində əməkdaşlıq üzrə kurslar, iyunun 26 dan iyulun 6-dək isə Aaxen şəhərində (Almaniya Federativ Respublikası) NATO üzvü və tərəfdaş dövlətlərin iştirakı ilə maddi-texniki təminat üzrə kurslar keçiriləcəkdir.

NATO ilə Azərbaycan Respublikası arasında imzalanmış fərdi proqrama uyğun olaraq, “Sülh Naminə Tərəfdaşlıq” proqramı çərçivəsində iyunun 23-də NATO-nun Brüssel şəhərindəki (Belçika Krallığı) qərargah-mənzilində fövqəladə vəziyyətlər üzrə növbəti sessiya keçiriləcəkdir.

NATO ilə Azərbaycan Respublikası arasında imzalanmış fərdi proqrama uyğun olaraq, “Sülh Naminə Tərəfdaşlıq” proqramı çərçivəsində iyunun 20-dən 23-dək Rumıniyada “Kooperativ Best Effort” təlimlərinin və iyunun 21-dən 22-dək Bişkek şəhərində (Qırğızıstan) “Sentrazbat” təlimlərinin planlaşdırılması üzrə yekun konfransları keçiriləcəkdir.