Fevralın 24-də Azərbaycan Respublikasının Müdafiə naziri general-polkovnik Səfər Əbiyev Beynəlxalq Qırmızı Xaç Komitəsinin Avropa və Amerika üzrə baş nümayəndəsi xanım Beatris Mejvan-Roqqonu, Azərbaycandakı nümayəndəliyinin başçısı xanım Meri Verntzi, Silahlı Qüvvələr və Təhlükəsizlik məsələləri üzrə regional eksperti istefada olan general-mayor Qiya Toradzeni və Moskvadakı nümayəndəsi Raul Forsteri qəbul etmişdir.

ATƏT-in hazırıkı sədrinin şəxsi nümayəndəsinin mandatına uyğun olaraq, fevralın 24-də Azərbaycan Respublikası və Ermənistan Respublikası silahlı qüvvələrinin Xocavənd rayonunun Kuropatkino kəndi sahəsində, qoşunların təmas xəttində monitorinq keçirilməsi planlaşdırılır.

NATO ilə Azərbaycan Respublikası arasında imzalanmış fərdi proqrama uyğun olaraq, “Sülh Naminə tərəfdaşlıq” proqramı çərçivəsində fevralın 23-dən 27-dək Helsinki şəhərində (Finlandiya) NATO-nun Transformasiya Komandanlığının İşçi görüşü və fevralın 23-dən martın 23-dək Viskov şəhərində (Çexiya) “Poliqonlar və canlı atəş taktiki təlimlərinin idarə edilməsi” üzrə kurs keçirilir.

Fevralın 17-də Azərbaycan Respublikası Silahlı Qüvvələrinin plan üzrə növbəti komanda-qərargah hərbi oyunları başlamışdır.

NATO ilə Azərbaycan Respublikası arasında imzalanmış fərdi proqrama uyğun olaraq, “Sülh Naminə Tərəfdaşlıq” proqramı çərçivəsində fevralın 16-dan 17-dək Brüssel şəhərində (Belçika Krallığı) NATO-nun Mülki Müdafiə Komitəsinin iclası, fevralın 16-dan 27-dək Valdröb şəhərində (Almaniya) “İngilis dili müəllimləri üçün təlim seminarı”, Oberammerqau şəhərində (Almaniya) “Avropada Adi Silahlara birgə nəzarət üzrə müfəttiş-müşayiətçi kursu”, Ankara şəhərində (Türkiyə) “Silahlı Münaqişələr hüququ” kursu, fevralın 16-dan martın 5-dək Lyubyana şəhərində (Sloveniya) “Qərargah zabitləri üçün ingilis dili kursu” və Sodertalye şəhərində (İsveç Krallığı) “Qərargah zabitləri üçün kurs” keçirilir.

NATO ilə Azərbaycan Respublikası arasında imzalanmış fərdi proqrama uyğun olaraq, “Sülh Naminə Tərəfdaşlıq” proqramı çərçivəsində fevralın 9-dan 13-dək Sodertalye şəhərində (İsveç Krallığı) “Hərbi İngilis dili” kursu, Nürenberq şəhərində (Almaniya) “Öldürücü qüvvəyə malik olmayan silahlar” üzrə konfrans, Oberammerqau şəhərində (Almaniya) “Hava Hücumundan Müdafiə” üzrə kurs, fevralın 9-dan 20-dək Qarmiş-Partenkirxen şəhərində (Almaniya) “İngilis dili test mütəxəssisləri üçün seminar”, Riqa şəhərində (Latviya) “Qərargah zabitləri üçün hərbi terminologiya” kursu və fevralın 10-dan 12-dək Varna şəhərində (Bolqarıstan) “Kooperativ Partnyor-04” təliminin Əsas Planlaşdırma Konfransı keçirilir.

ATƏT-in hazırkı sədrinin şəxsi nümayəndəsinin mandatına uyğun olaraq, fevralın 5-də Azərbaycan Respublikası və Ermənistan Respublikası silahlı qüvvələrinin Tərtər rayonunun Qapanlı kəndi sahəsində, qoşunların təmas xəttində monitorinq keçirilməsi planlaşdırılır.

Fevralın 3-də Azərbaycan Respublikasının Müdafiə naziri general-polkovnik Səfər Əbiyev ATƏT-in Parlament Assambleyası sədrinin Dağlıq Qarabağ Münaqişəsi üzrə xüsusi nümayəndəsi cənab Qoran Lenmarkeri və nümayəndə heyətini qəbul etmişdir.

Fevralın 3-də Azərbaycan Respublikasının Müdafiə naziri general-polkovnik Səfər Əbiyev NATO-nun Beynəlxalq Hərbi Qərargahının direktor müavini - Əməkdaşlıq və Regional Təhlükəsizlik İdarəsinin rəisi general-mayor Federiko Yanizi və nümayəndə heyətini qəbul etmişdir.

NATO ilə Azərbaycan Respublikası arasında fərdi proqrama uyğun olaraq, “Sülh Naminə Tərəfdaşlıq” proqramı çərçivəsində fevralın 2-dən 6-dək Oberammerqau şəhərində (Almaniya) “NATO-nun Avropa təhlükəsizliyi üzrə əməkdaşlıq” kursu, Tallin şəhərində (Estoniya) “RESCUER/MEDCUER” təliminin əsas konfransı və fevralın 3-dən 6-dək Fürstenfeldbruck şəhərində (Almaniya) “Gecəgörmə cihazları üzrə təlimatçılar üçün təlim” kursu keçirilir.