Martın 16-da Azərbaycan Respublikasının Müdafiə naziri general-polkovnik S.Əbiyev Amerika Birləşmiş Ştatları Hərbi Aviasiya Kollecinin direktoru general-mayor Lans Smitin rəhbərlik etdiyi nümayəndə heyətini qəbul etmişdir.

Martın 13-də saat 20:40-dan 21:00-dək, martın 14-də isə saat 00:05-dən 01:05-dək Ermənistan Silahlı Qüvvələrinin bölmələri Berd rayonunun Paravakar yaşayış məntəqəsinin şimalındakı və Karmirkar dağının 1 kilometrliyində yerləşən yüksəklikdəki mövqelərindən Azərbaycan Silahlı Qüvvələrinin Ağstafa rayonunun Köhnəqışlaq kəndi sahəsindəki mövqelərini atıcı silahlardan və iriçaplı pulemyotlardan atəşə tutmuşlar.

Martın 15-dən 19-dək Həzi Aslanov adına Mərkəzi Zabitlər Evində Azərbaycan Respublikası Silahlı Qüvvələrinin birinciliyi uğrunda şahmat yarışları keçiriləcəkdir.

Martın 16-dan 20-dək Avropada Adi Silahlı Qüvvələr haqqında müqaviləyə uyğun olaraq İspaniya Krallığı Silahlı Qüvvələrinin inspeksiya qrupu Azərbaycan Respublikasının Silahlı Qüvvələrində inspeksiya keçirəcəkdir.

ATƏT-in hazırkı sədrinin şəxsi nümayəndəsinin mandatına uyğun olaraq, martın 12-də Azərbaycan-Ermənistan dövlət sərhədinin Qazax rayonu Balacəfərli kəndi sahəsində növbəti monitorinq keçiriləcəkdir.

Martın 10-da saat 22:00-dan 22:20-dək Ermənistan Silahlı Qüvvələrinin bölmələri Şəmri və Örükdaş yüksəkliklərindəki mövqelərindən Azərbaycan Silahlı Qüvvələrinin Gədəbəy rayonunun Başkənd aşırımı sahəsindəki mövqelərini atıcı silahlardan atəşə tutmuşlar.

Azərbaycan Respublikası ilə NATO arasındakı fərdi proqrama uyğun olaraq “Sülh Naminə Tərəfdaşlıq” proqramı çərçivəsində martın 1-dən 5-dək NATO-nun Brüssel şəhərindəki (Belçika) qərargah-mənzilində “XXI əsrdə vertolyotlara qarşılıqlı qulluq məsələləri üzrə” işçi qrupun görüşü keçiriləcəkdir.

Fevralın 26-da saat 21:25-dən 21:55-dək Ermənistan Silahlı Qüvvələrinin bölmələri Berd rayonunun Paravakar yaşayış məntəqəsinin şimal-qərbindəki mövqelərindən Azərbaycan Silahlı Qüvvələrinin Qazax rayonu ərazisində yerləşən Qarayal dağındakı mövqelərini atıcı silahlardan atəşə tutmuşlar.

Fevralın 25-də Azərbaycan Respublikasının Müdafiə naziri general-polkovnik Səfər Əbiyev Norveçin ATƏT-in Minsk qrupundakı nümayəndəsi cənab K.Xauqeni, Norveç XİN-in ATƏT-lə əlaqələr üzrə bölməsinin üzvü cənab R.Asxaymı və ATƏT-in hazırkı sədrinin şəxsi nümayəndəsi cənab A.Kaspşiki qəbul etmişdir.

Fevralın 23-də Azərbaycan Respublikasının Müdafiə naziri general-polkovnik Səfər Əbiyev Türkiyə Respublikası Silahlı Qüvvələri Baş Qərargahının Maddi-Texniki Təminat rəisi general-polkovnik İbrahim Tülünü, Quru Qoşunlarının Maddi-Texniki Təminat Planlaşdırma İdarəsinin rəisi general-mayor Orxan Tiryakini və onları müşayiət edən şəxsləri qəbul etmişdir.