Sentyabrın 21-də saat 22:15-dən 22:45-dək Ermənistan Silahlı Qüvvələrinin bölmələri Aqarak yaşayış məntəqəsi ərazisində yerləşən Xaşlıdağ yüksəkliyindəki mövqelərindən Azərbaycan Silahlı Qüvvələrinin Naxçıvan MR-nın Ordubad rayonu ərazisindəki əksmövqelərini pulemyotlardan və iriçaplı silahlardan atəşə tutmuşlar.

Azərbaycan Respublikası və NATO arasındakı fərdi proqrama uyğun olaraq, “Sülh Naminə Tərəfdaşlıq” proqramı çərçivəsində sentyabrın 19-dan 26-dək Lanta şəhərində (İtaliya) “Kommunikasiya və məlumat sistemləri” məsələləri üzrə kurslar; Sentyabrın 22-dən 23-dək Torun şəhərində (Polşa) “Topoqrafiya, kartoqrafiya və sistemləşdirmə” məsələləri üzrə seminar; Sentyabrın 22-dən 24-dək Brunsum şəhərində (Hollandiya) Mərkəzi regionun (AFCENT) tibb konfransı; Sentyabrın 22-dən oktyabrın 2-dək Varna şəhərində (Bolqarıstan) qərargah zabitlərinin “Siyasi təhlükəsizliyin təminatı və qorunması” mövzusunda 3-cü beynəlxalq kurslar keçiriləcəkdir.

Sentyabrın 18-də saat 14:20-dən saat 18:30-dək Ermənistan Silahlı Qüvvələrinin bölmələri Noyamberyan rayonunun Berdavan yaşayış məntəqəsində yerləşən mövqelərindən, Azərbaycan Silahlı Qüvvələrinin Qazax rayonunun ərazisindəki mövqelərini qumbaraatanlardan, avtomatlardan və iriçaplı pulemyotlardan atəşə tutmuşlar.

Sentyabrın 22-dən 28-dək Özbəkistan və Qırğızıstan Respublikaları ərazisində “Sentrazbat -98” sülhməramlı təlimləri keçiriləcəkdir.

Sentyabrın 16-da Azərbaycan Respublikasının Müdafiə Naziri general-polkovnik Səfər Əbiyev ABŞ-ın Azərbaycandakı fövqəladə və səlahiyyətli səfiri Stenli Eskuderonu və ABŞ-ın Avropadakı Silahlı Qüvvələri Baş Komandanının siyasi müşaviri səfir Piter R.

Sentyabrın 15-də Azərbaycan Respublikasının Müdafiə Naziri general-polkovnik Səfər Əbiyev Türkiyə Respublikası Ehtiyatda olan Zabitlər Dərnəyinin sədri general-leytenant Sidgi Aydınelin başçılıq etdiyi nümayəndə heyətini qəbul etmişdir.

Azərbaycan Respublikası ilə NATO arasındakı fərdi proqrama uyğun olaraq “Sülh Naminə Tərəfdaşlıq” proqramı çərçivəsində:Brüssel şəhərində (Belçika Krallığı) sentyabrın 14-dən 15-dək NATO-nun qərargah- mənzilində aviasiya avadanlığı ehtiyat hissələri standartı məsələləri üzrə işlək qrupun görüşü keçiriləcəkdir;Avropada Adi Silahlı Qüvvələr haqqında (ASQH) müqaviləyə uyğun olaraq, Oberomerqau (Almaniya Federativ Respublikası) şəhərində sentyabrın 14-dən 25-dək silahlar üzərində nəzarət, Kütləvi Qırğın Silahları (KQS) haqqında xəbərdarlıq və informasiyanın ötürülməsi sistemi, Brunsun şəhərində isə (Hollandiya) qərargah zabitləri üçün hərbi terminologiya üzrə NATO kursları keçiriləcəkdir.

Sentyabrın 9-da Azərbaycan Respublikasının Müdafiə naziri general-polkovnik Səfər Əbiyev NATO-nun “Əməkdaşlığı əlaqələndirmə qrupu” nun direktoru general-mayor Ton Kolsterenin başçılıq etdiyi nümayəndə heyətini qəbul etmişdir.

Sentyabrın 8-də saat 19:05-dən saat 21:10-dək Ermənistan Silahlı Qüvvələrinin bölmələri Yexeqnadzor rayonunun Bartsruni yaşayış məntəqəsinin cənub-qərbində yerləşən mövqelərindən, Azərbaycan Silahlı Qüvvələrinin Naxçıvan MR-sı Babək rayonunun Kərməçatax kəndi sahəsindəki mövqelərini avtomatlardan və iriçaplı pulemyotlardan; saat 21:40-dan 22:00-dək isə Ağdam rayonunun işğal olunmuş Tağıbəyli kəndi sahəsindəki mövqelərindən, Azərbaycan Silahlı Qüvvələrinin həmin rayonun Ayaqqərvənd kəndi sahəsindəki mövqelərini atıcı silahlardan atəşə tutmuşlar.

Azərbaycan Respublikası ilə NATO arasındakı fərdi proqrama uyğun olaraq, “Sülh Naminə Tərəfdaşlıq” proqramı çərçivəsində sentyabrın 10-dan 18-dək “Krivolak” (Makedoniya) təlim mərkəzində NATO üzvü və tərəfdaş dövlətlərin sülhməramlı “Kooperativ Best Effort” təlimləri; sentyabrın 11-də isə Brüssel şəhərində NATO-nun “Fövqəladə vəziyyətlərdə mülki xidmətlərin planlaşdırılması və istifadə edilməsi üzrə Baş Komitəsinin” görüşü keçiriləcəkdir.