Aprelin 18-də Azərbaycan Respublikasının Müdafiə naziri general-polkovnik Səfər Əbiyev Amerika Birləşmiş Ştatlarının NATO Komitəsinin sədri cənab Brus Ceksonu qəbul etmişdir.

Aprelin 15-də saat 22:40-dan 01:15-dək Ermənistan silahlı qüvvələrinin bölmələri İcevan rayonunun Ləliguh yaşayış məntəqəsinin 2 km şimalında yerləşən mövqelərindən Azərbaycan Silahlı Qüvvələrinin Qazax rayonunun Bala Cəfərli kəndi sahəsində yerləşən mövqelərini atıcı silahlardan ara-sıra atəşə tutmuşlar.

Aprelin 14-də Azərbaycan Respublikasının Müdafiə naziri general-polkovnik Səfər Əbiyev Avropa Şurası Parlament Assambleyasının Dağlıq Qarabağ üzrə məruzəçisi cənab Terri Devisi və Siyasi İşlər Komitəsi Katibliyinin əməkdaşı cənab Rudiger Dossovu qəbul etmişdir.

ATƏT-in hazırıkı sədrinin şəxsi nümayəndəsinin mandatına uyğun olaraq, aprelin 15-də Azərbaycan Respublikası və Ermənistan Respublikası dövlət sərhədinin Gədəbəy rayonunun Göyəli kəndi sahəsində monitorinq keçirilməsi planlaşdırılır.

Aprelin 10-da saat 08:00-dan 08:30-dək Ermənistan silahlı qüvvələrinin bölmələri Gədəbəy rayonunun Başkənd aşırımı sahəsində dövlət sərhədindəki yüksəklikdə yerləşən mövqelərindən Azərbaycan Silahlı Qüvvələrinin həmin sahədə yerləşən mövqelərini qumbaraatanlardan, minaatanlardan, pulemyot və avtomatlardan atəşə tutmuşlar.

Aprelin 9-da Azərbaycan Respublikasının Müdafiə naziri general-polkovnik Səfər Əbiyev admiral Şahid Navazın rəhbərliyilə Pakistan İslam Respublikası Milli Müdafiə Kollecinin nümayəndə heyətini qəbul etmişdir.

Aprelin 7-dən 8-nə keçən gecə Ermənistan silahlı qüvvələrinin bölmələri Füzuli rayonunun işğal olunmuş Qaraxanbəyli kəndinin şərqində yerləşən mövqelərindən Azərbaycan Silahlı Qüvvələrinin həmin rayonun Alxanlı kəndi sahəsindəki mövqelərini qumbaraatanlardan, minaatanlardan, əl qumbaralarından, pulemyot və avtomatlardan ara-sıra atəşə tutmuşlar.

Azərbaycan Respublikasının Müdafiə naziri general-polkovnik Səfər Əbiyev Rumıniyanın Müdafiə naziri İon Mirça Paşkunun dəvətilə aprelin 1-dən 4-dək Buxarest şəhərində rəsmi səfərdə olmuşdur.

Azərbaycan Respublikasının Müdafiə naziri general-polkovnik Səfər Əbiyev Rumıniyanın Müdafiə naziri İon Mirça Paşkunun dəvətilə aprelin 1-də Buxarest şəhərinə rəsmi səfərə yola düşmüşdür.

ATƏT-in hazırkı sədrinin şəxsi nümayəndəsinin mandatına uygun olaraq, martın 25-də Azərbaycan Respublikası və Ermənistan Respublikası Silahlı Qüvvələrinin Tərtər rayonu ərazisində qoşunların təmas xəttində monitorinq keçirilməsi planlaşdırılır.