Müdafiə Nazirliyinin məlumatı
20 Aprel 2000 00:00
Aprelin 20-də Azərbaycan Respublikasının Müdafiə naziri general-polkovnik Səfər Əbiyev 1941-45-ci illərin Böyük Vətən müharibəsində alman faşizmi üzərində qələbənin 55 illiyi münasibətilə, başda Azərbaycan Respublikası Əmək, Müharibə və Silahlı Qüvvələr Şurasının sədri istefada olan general-mayor Bahadur Hüseynov olmaqla bir qrup müharibə veteranını qəbul etmişdir.
Müdafiə Nazirliyinin məlumatı
14 Aprel 2000 00:00
Aprelin 13-də saat 12:10-dan 12:25-dək Ermənistan Silahlı Qüvvələrinin bölmələri Tərtər rayonunun işğal olunmuş Talış kəndi sahəsindəki mövqelərindən Azərbaycan Silahlı Qüvvələrinin həmin rayonun Borsunlu kəndi; saat 22:40-dan 23:20-dək isə Krasnoselsk rayonundakı Sarıyel yüksəkliyində yerləşən mövqelərindən Silahlı Qüvvələrimizin Gədəbəy rayonunun Çəmbərək aşırımı sahəsindəki mövqelərini atıcı silahlardan ara-sıra atəşə tutmuşlar.
Müdafiə Nazirliyinin məlumatı
13 Aprel 2000 00:00
Aprelin 12-də saat 19:00-dan 19:35-dək Ermənistan Silahlı Qüvvələrinin bölmələri Murov dağın işğal olunmuş sahəsində yerləşən mövqelərindən Azərbaycan Silahlı Qüvvələrinin Goranboy rayonu Gülüstan yaşayış məntəqəsi sahəsində yerləşən mövqelərini atıcı silahlardan ara-sıra atəşə tutmuşlar.
Müdafiə Nazirliyinin məlumatı
7 Aprel 2000 00:00
Aprelin 6-da saat 19:00-dan 19:20-dək Ermənistan Silahlı Qüvvələrinin bölmələri Krasnoselsk rayonu ərazisində yerləşən yüksəkliklərdəki mövqelərindən Azərbaycan Silahlı Qüvvələrinin Gədəbəy rayonunun Sümüklü və Ocaqtəpə dağları sahəsindəki mövqelərini iriçaplı pulemyotlardan ara-sıra atəşə tutmuşlar.
Müdafiə Nazirliyinin məlumatı
5 Aprel 2000 00:00
Aprelin 5-də Azərbaycan Respublikası və Türkiyə Respublikası arasında hərbi təhsil sahəsində Protokol imzalanmışdır.
Müdafiə Nazirliyinin məlumatı
4 Aprel 2000 00:00
Aprelin 4-də Azərbaycan Respublikasının Müdafiə naziri general-polkovnik Səfər Əbiyev Türkiyə Respublikası Silahlı Qüvvələri Quru Qoşunlarının Təlim və Doktrina komandanı general-polkovnik H.Baha Tüzünərin rəhbərlik etdiyi nümayəndə heyətini qəbul etmişdir.
Müdafiə Nazirliyinin məlumatı
3 Aprel 2000 00:00
Aprelin 3-də Bakı şəhərində NATO-nun “Sülh Naminə Tərfədaşlıq” proqramı çərçivəsində NATO üzvü və tərəfdaş dövlətlər üçün “Fövqəladə vəziyyətlərdə mülki xidmətlərin istifadəsinin planlaşdırılması və hərbi-mülki əməkdaşlıq üzrə” regional kurslar işə başlamışdır.
Müdafiə Nazirliyinin məlumatı
1 Aprel 2000 00:00
Aprelin 3-dən 7-dək Bakıda Fövqəladə vəziyyətlərdə mülki xidmətlərin istifadəsinin planlaşdırılması və hərbi-mülki əməkdaşlıq üzrə regional kurslar keçiriləcək.
Müdafiə Nazirliyinin məlumatı
29 Mart 2000 00:00
NATO ilə Azərbaycan Respublikası arasında imzalanmış fərdi proqrama uyğun olaraq, “Sülh Naminə Tərəfdaşlıq” proqramı çərçivəsində martın 29-dan 30-dək Brüssel şəhərində (Belçika Krallığı) informasiya təhlükəsizliyi problemləri üzrə kurslar keçirilir.
Müdafiə Nazirliyinin məlumatı
27 Mart 2000 00:00
NATO ilə Azərbaycan Respublikası arasında imzalanmış fərdi proqrama uyğun olaraq, “Sülh Naminə Tərəfdaşlıq” proqramı çərçivəsində martın 27-dən 31-dək Buxarest şəhərində (Rumıniya) “Kooperativ Best Effort” təlimlərinin planlaşdırılması üzrə əsas konfrans, martın 27-dən aprelin 7-dək Ankara şəhərində (Türkiyə Respublikası) sülhü dəstəkləmə əməliyyatlarında Hərbi Hava Qüvvələri, Hərbi Dəniz Donanması və Quru Qoşunlarının qarşılıqlı əlaqəsi üzrə kurslar, martın 27-dən aprelin 14-dək Oberammergau şəhərində (AFR) NATO üzvü və tərəfdaş dövlətlərin qərargah zabitləri üçün kurslar keçirilir.
