İyulun 27-də Azərbaycan Respublikasının Müdafiə naziri general-polkovnik Səfər Əbiyev Amerika Birləşmiş Ştatları Oklahoma ştatı Milli Qvardiyasının Komandanı general-mayor Harri Vyattı və nümayəndə heyətini qəbul etmişdir.

Ermənistan Silahlı Qüvvələrinin bölmələri iyulun 20-də saat 17:55-dən 18:10-dək Tovuz rayonunun Koxanəbi kəndinin 1 km cənub-qərbində yerləşən mövqelərindən Azərbaycan Silahlı Qüvvələrinin üzbəüz mövqelərini avtomatlardan və pulemyotlardan atəşə tutmuşlar.

İyulun 21-də Azərbaycan Respublikasının Müdafiə naziri general-polkovnik Səfər Əbiyev Avropa İttifaqının Cənubi Qafqaz üzrə xüsusi nümayəndəsi Peter Semnebini qəbul etmişdir.

İyulun 7-də Azərbaycan Respublikasının Müdafiə naziri general-polkovnik Səfər Əbiyev ABŞ-ın Azərbaycan Respublikasındakı fövqəladə və səlahiyyətli səfiri xanım Ann Dorsini qəbul etmişdir.

İyulun 5-də Azərbaycan Respublikasının Müdafiə naziri general-polkovnik Səfər Əbiyev Koreya Respublikasının Azərbaycan Respublikasındakı müvəqqəti vəkili cənab Lyu Kvanq-çulu qəbul etmişdir.

İyulun 4-də Azərbaycan Respublikasının Müdafiə naziri general-polkovnik Səfər Əbiyev Pakistan İslam Respublikasının Türkmənistanda və eyni zamanda Azərbaycan Respublikasında akkreditə olunmuş hərbi attaşesi polkovnik Şer Afqunu qəbul etmişdir.

Azərbaycanın işğal olunmuş ərazilərində yanğınlara məruz qalan sahələrdə fakt-araşdırıcı missiyanın aparılması məqsədilə ATƏT-in hazırkı sədrinin şəxsi nümayəndəsinin mandatına uyğun olaraq:- iyulun 3-də Ağdam rayonunun ərazisindəki Ağdam-Hindarx yolunun və Novruzlu kəndinin yaxınlığında, qoşunların təmas xəttində;- iyulun 4-də Ağdam rayonunun Mərzili kəndinin yaxınlığında və Xocavənd rayonunun Kuropatkino kəndinin şimal-qərbində, qoşunların təmas xəttində;- iyulun 5-də Xocavənd rayonunun Kuropatkino və Aşağı Veysəlli kəndləri yaxınlığında, qoşunların təmas xəttində monitorinqlər keçirilməsi planlaşdırılır.

Azərbaycan Respublikasının Müdafiə naziri general-polkovnik Səfər Əbiyevin dəvətilə Türkiyə Respublikası Silahlı Qüvvələrinin Baş Qərargah rəisi ordu generalı Hilmi Özkök iyunun 29-da Azərbaycana rəsmi səfərə gəlmişdir.

ATƏT-in hazırkı sədrinin şəxsi nümayəndəsinin mandatına uyğun olaraq iyunun 28-də Ağdam rayonunun Yusifcanlı kəndi yaxınlığında, qoşunların təmas xəttində monitorinq keçirilməsi planlaşdırılır.

İyunun 9-da Müdafiə Nazirliyində Azərbaycan Respublikası Silahlı Qüvvələrinin Baş Qərargah rəisi-Müdafiə nazirinin birinci müavini general-polkovnik Nəcməddin Sadıqov Litva Respublikası Silahlı Qüvvələrinin Müdafiə Qərargahının rəisi briqada generalı Vitalius Vaiksnoras ilə görüşmüşdür.