AZƏRBAYCAN RESPUBLİKASI
MÜDAFİƏ NAZİRLİYİ
ATƏT-in fəaliyyətdə olan sədrinin şəxsi nümayəndəsinin mandatına uyğun olaraq bu il dekabrın 13-də Azərbaycan Respublikasının Füzuli rayonunun Qaraxanbəyli kəndi yaxınlığındakı qoşunların təmas xəttində monitorinq keçirilməsi planlaşdırılır.
Dekabrın 7-də Azərbaycan Respublikasının Müdafiə naziri general-polkovnik Səfər Əbiyev ABŞ Müdafiə nazirinin beynəlxalq təhlükəsizlik məsələləri üzrə köməkçisinin müavini cənab Cim Makduqalı və nümayəndə heyətini qəbul etmişdir.
Dekabrın 6-da Azərbaycan Respublikasının Müdafiə naziri general-polkovnik Səfər Əbiyev Azərbaycanda rəsmi səfərdə olan Türkiyə Respublikasının Jandarma Komandanı ordu generalı İşıq Koşaneri və onun rəhbərlik etdiyi nümayəndə heyətini qəbul etmişdir.
Ermənistan Silahlı Qüvvələrinin bölmələri dekabrın 5-də saat 20:40-dan 20:55-dək Berd rayonunun Çinari kəndində yerləşən mövqelərindən Azərbaycan Silahlı Qüvvələrinin Tovuz rayonunun Koxanəbi, Hacıhəsənli və Ağbulaq kəndləri yaxınlığındakı mövqelərini avtomatlardan və pulemyotlardan atəşə tutmuşlar.
Ermənistan Silahlı Qüvvələrinin bölmələri dekabrın 3-də saat 18:50-dən 20:05-dək Goranboy rayonunun Tapqaraqoyunlu kəndinin 1,5 km cənubunda yerləşən mövqelərindən və dekabrın 4-də saat 5:30-da Ağdam rayonunun Şıxlar kəndinin 0,5 km cənub-şərqində yerləşən mövqelərindən Azərbaycan Silahlı Qüvvələrinin üzbəüz mövqelərini avtomatlardan və pulemyotlardan atəşə tutmuşlar.
ATƏT-in fəaliyyətdə olan sədrinin şəxsi nümayəndəsinin mandatına uyğun olaraq bu il dekabrın 4-də Azərbaycan Respublikasının Tərtər rayonunun Qapanlı kəndi yaxınlığındakı qoşunların təmas xəttində monitorinq keçirilməsi planlaşdırılır.
Dekabrın 1-də Müdafiə Nazirliyində “Azərbaycan Respublikası Silahlı Qüvvələrində 2006-cı tədris ilinin yekunları və 2007-ci tədris ilində Silahlı Qüvvələrin qarşısında duran vəzifələr” mövzusunda kollegiya iclası keçirilmişdir.
Ermənistan Silahlı Qüvvələrinin bölmələri noyabrın 23-də saat 03:30-dan 04:20-dək Ağdam rayonunun işğal olunmuş Baş Qərvənd kəndi sahəsində yerləşən mövqelərindən Azərbaycan Silahlı Qüvvələrinin üzbəüz mövqelərini avtomatlardan və pulemyotlardan atəşə tutmuşlar.
Azərbaycan Respublikasının Müdafiə naziri general-polkovnik Səfər Əbiyev Müstəqil Dövlətlər Birliyi Müdafiə Nazirləri Şurasının növbəti iclasında iştirak etmək üçün noyabrın 22-də Belarus Respublikasının Brest şəhərinə yola düşmüşdür.
ATƏT-in hazırki sədrinin şəxsi nümayəndəsinin mandatına uyğun olaraq noyabrın 13-də Qazax rayonunun Aşağı Əskipara kəndinin yaxınlığındakı qoşunların təmas xəttində monitorinq keçirilməsi planlaşdırılır.