ATƏT-in hazırkı sədrinin şəxsi nümayəndəsinin mandatına uyğun olaraq, avqustun 28-də Ermənistan-Azərbaycan cəbhəsinin Tərtər rayonunun Yuxarı Çaylı yaşayış məntəqəsi sahəsində, qoşunların təmas xəttində monitorinq keçirilir.

Azərbaycan Respublikasının Müdafiə naziri general-polkovnik Səfər Əbiyev Müstəqil Dövlətlər Birliyi Müdafiə Nazirləri Şurasının görüşündə iştirak etmək üçün avqustun 24-də Rusiya Federasiyasının Həştərxan şəhərinə yola düşmüşdür.

Avqustun 21-də, Kosovoda beynəlxalq sülhməramlı qüvvələrin tərkibində xidmət edən Azərbaycan taqımının bir qrup əsgərinin həqiqi hərbi xidmətinin başa çatması ilə əlaqədar, onları əvəz edəcək 1 zabit və 10 nəfər sıravi əsgərin Türkiyə Respublikasına yolasalma mərasimi keçirilmişdir.

Həmin gün Azərbaycan Respublikasının Müdafiə naziri general-polkovnik Səfər Əbiyev Türkiyə Respublikası Müharibə veteranlarından ibarət nümayəndə heyətini qəbul etmişdir.

Avqustun 15-də Azərbaycan Respublikasının Müdafiə naziri general-polkovnik Səfər Əbiyev Türkiyə Respublikası Hərbi Dəniz Qüvvələrinin kontr-admiralı Ərdal Bucağın rəhbərlik etdiyi nümayəndə heyətini qəbul etmişdir.

İyulun 23-də saat 21:25-dən 21:40-dək Ermənistan Silahlı Qüvvələrinin bölmələri Ermənistanın Ararat rayonunun Ucubiz yüksəkliyinin 2 km cənub-şərqindəki mövqelərindən Azərbaycan Silahlı Qüvvələri bölmələrinin Naxçıvan Muxtar Respublikası Sədərək rayonunun Əjdəkan yüksəkliyindəki mövqelərini avtomatlardan və pulemyotlardan atəşə tutmuşlar.

İyulun 22-də saat 20:30-dan 21:05-dək Ermənistan Silahlı Qüvvələrinin bölmələri Ermənistanın Vayk rayonunun Barsruni yaşayış məntəqəsinin 3 km cənub-qərbində yerləşən mövqelərindən Azərbaycan Silahlı Qüvvələri bölmələrinin Naxçıvan Muxtar Respublikası Babək rayonunun Kərməçataq kəndi sahəsindəki mövqelərini atıcı silahlardan atəşə tutmuşlar.

İyulun 21-dən 22-nə keçən gecə saat 23:47-dən 00:30-dək Ermənistan Silahlı Qüvvələrinin bölmələri Ermənistanın Berd rayonunun Çinari yaşayış məntəqəsi sahəsindəki mövqelərindən Azərbaycan Silahlı Qüvvələri bölmələrinin Tovuz rayonunun Ağdam kəndi sahəsindəki mövqelərini iriçaplı pulemyotlardan atəşə tutmuşlar.

İyulun 20-də saat 19:45-dən 20:00-dək Ermənistan Silahlı Qüvvələrinin bölmələri Ağdam rayonunun işğal olunmuş Baş Qərvənd kəndi sahəsindəki mövqelərindən Azərbaycan Silahlı Qüvvələrin bölmələrinin həmin rayonun Əhmədağalı kəndi sahəsindəki mövqelərini atıcı silahlardan atəşə tutmuşlar.

Azərbaycan Respublikasının Müdafiə naziri general-polkovnik Səfər Əbiyevin dəvəti ilə Türkiyə Respublikası Silahlı Qüvvələrinin Quru Qoşunlarının Komandanı ordu generalı Attila Atəş iyulun 17-dən 19-dək Bakıda işgüzar səfərdə olmuşdur.