Noyabrın 15-də Azərbaycan Respublikasının Müdafiə naziri general-polkovnik Səfər Əbiyev ABŞ Silahlı Qüvvələri Qərargah rəisləri Birləşmiş Komitəsi Sədrinin birinci müavini general Riçard B.Mayerzi, ABŞ Müdafiə nazirinin müavini cənab Uolter B.Slokombu və nümayəndə heyətini qəbul etmişdir.

Noyabrın 14-də Müdafiə Nazirliyində Corc Marşall adına Təhlükəsizlik Araşdırmaları üzrə Avropa Mərkəzinin azərbaycanlı məzunlarının təşəbbüs qrupunun iclası keçirilmişdir.

Noyabrın 14-də Azərbaycan Respublikasının Müdafiə naziri general-polkovnik Səfər Əbiyev Corc Marşal adına Təhlükəsizlik Araşdırmaları üzrə Avropa Mərkəzinin direktor müavini istefada olan general-mayor Frans Verneri qəbul etmişdir.

Noyabrın 13-də Bakıda Amerika Birləşmiş Ştatlarının C.Marşal adına Təhlükəsizlik Araşdırmaları üzrə Avropa Mərkəzinin təşkil etdiyi "Demokratiya şəraitində Azərbaycanın Milli Təhlükəsizliyinin Planlaşdırılması" mövzusunda seminar öz işinə başlamışdır.

Noyabrın 12-də saat 21:15-dən 21:25-dək Ermənistan Silahlı Qüvvələrinin bölmələri Ağdam rayonunun işğal olunmuş Cəvahirli yaşayış məntəqəsinin 5 km cənub-şərqində yerləşən mövqelərindən Azərbaycan Silahlı Qüvvələrinin həmin rayonun Əhmədağalı yaşayış məntəqəsi sahəsində yerləşən mövqelərini avtomatlardan və pulemyotlardan atəşə tutmuşlar.

NATO ilə Azərbaycan Respublikası arasında imzalanmış fərdi proqrama uyğun olaraq, "Sülh Naminə Tərəfdaşlıq" proqramı çərçivəsində noyabrın 13-dən 15-dək Neapol şəhərində (İtaliya) "Kooperativ Partner - 2001" təlimlərinin planlaşdırılması üzrə ilkin konfrans, noyabrın 13-dən 24-dək İzmir şəhərində (Türkiyə) Hava hərəkətinin idarə olunmasının hərbi terminologiyası üzrə kurslar və noyabrın 14-dən 15-dək Oberammergau şəhərində (AFR) təhsil və təlim üzrə konfrans keçiriləcək.

Noyabrın 8-də Azərbaycan Respublikasının Müdafiə naziri general-polkovnik Səfər Əbiyev ABŞ-ın Azərbaycan Respublikasındakı fövqəladə və səlahiyyətli səfiri Ross Uilsonu onun xahişilə qəbul etmişdir.

NATO ilə Azərbaycan Respublikası arasında imzalanmış fərdi proqrama uyğun olaraq, "Sülh Naminə Tərəfdaşlıq" proqramı çərçivəsində noyabrın 9-da Brüssel şəhərində (Belçika Krallığı) NATO Hərbi Komitəsinin tərəfdaş dövlətlərin Silahlı Qüvvələrinin Baş Qərargah rəisləri ilə görüşü, noyabrın 9-dan 10-dək isə Avro-Atlantik Tərəfdaşlıq Şurası çərçivəsində Hava Hücumundan Müdafiə Komitəsinin növbəti sessiyası keçiriləcək.

Noyabrın 7-də Azərbaycan Respublikasının Müdafiə naziri general-polkovnik S.Əbiyev Ordu İdman Klubunun üzvləri, XXVII yay Olimpiya oyunlarının iştirakçıları — boks üzrə bürünc mükafatın sahibi Vüqar Ələkbərovu, Rəsul Səlimovu (dzyüdo), Emin Cəbrayılovu (suya tullanma), Emil Quliyevi (üzgüçü), Sergey Boçkovu (yüngül atletika), onların məşqçiləri Hüseynağa Ələsgərovu, Rəşid Məmmədovu və Ruzbeh Vəliyevi qəbul etmişdir.

NATO ilə Azərbaycan Respublikası arasında imzalanmış fərdi proqrama uyğun olaraq, "Sülh Naminə Tərəfdaşlıq" proqramı çərçivəsində noyabrın 8-dən 9-dək Madrid şəhərində (İspaniya) Avro-Atlantik Tərəfdaşlıq Şurası çərçivəsində görüş, Brüssel şəhərində (Belçika Krallığı) isə Quru Qoşunları Hərbi Standartlaşdırma Agentliyi ekspertlərinin silahlar üzrə görüşü keçiriləcək.