Azərbaycan Respublikasının Müdafiə naziri general-polkovnik Səfər Əbiyevin rəhbərlik etdiyi nümayəndə heyəti iyulun 13-dən 15-dək Rumıniyanın paytaxtı Buxarest şəhərində rəsmi səfərdə olmuşdur.

İyulun 13-də Azərbaycan Respublikasının Müdafiə naziri general-polkovnik Səfər Əbiyevin rəhbərlik etdiyi nümayəndə heyəti Rumıniyanın Milli Müdafiə naziri cənab Viktor Babiukun dəvəti ilə Buxarestə 2 günlük rəsmi səfərə yola düşmüşdür.

İyulun 10-da Azərbaycan Respublikasının Müdafiə naziri general-polkovnik Səfər Əbiyev ABŞ Dövlət Departamentinin minalardan təmizləmə İdarəsinin əməkdaşı cənab Karl Olsonun başçılıq etdiyi minalardan təmizlənmənin qiymətləndirilməsi üzrə humanitar yardım qrupunu qəbul etmişdir.

ATƏT-in hazırkı sədrinin şəxsi nümayəndəsinin mandatına uyğun olaraq, iyulun 6-da Ermənistan-Azərbaycan cəbhəsinin Tərtər rayonunun Qapanlı yaşayış məntəqəsi sahəsində, qoşunlardan təmas xəttində monitorinq keçirilir.

İyunun 27-də saat 19:00-dan 20:45-dək Ermənistan Silahlı Qüvvələrinin bölmələri Murovdağın Ömər aşırımının işğal olunmuş qərb yamacındakı mövqelərindən Azərbaycan Silahlı Qüvvələrinin həmin aşırımın şərqində yerləşən mövqelərini atıcı silahlardan atəşə tutmuşlar.

İyunun 25-də Azərbaycan Respublikasının Müdafiə naziri general-polkovnik Səfər Əbiyev Türkiyə Respublikası Silahlı Qüvvələri Quru Qoşunları əməliyyat İdarəsinin rəisi general-leytenant Behzat Baltanı və onu müşayiət edən şəxsləri qəbul etmişdir.

Azərbaycan Respublikası ilə NATO arasındakı fərdi proqrama uyğun olaraq “Sülh Naminə Tərəfdaşlıq” proqramı çərçivəsində iyunun 28-dən iyulun 2-dək Özbəkistanın paytaxtı Daşkənd şəhərində fövqəladə vəziyyətlərdə mülki xidmətlərin planlaşdırılması üzrə regional kurslar keçiriləcək.

İyunun 23-də Müdafiə Nazirliyinin Kollegiyasının geniş iclası keçirilmişdir.

ATƏT-in hazırkı sədrinin şəxsi nümayəndəsinin mandatına uyğun olaraq, iyunun 24-də Ermənistan-Azərbaycan cəbhəsinin Tərtər rayonunun Qızıloba yaşayış məntəqəsinin cənub-qərbində, qoşunların təmas xəttində monitorinq keçirmək planlaşdırılır.

Azərbaycan Respublikası ilə NATO arasındakı fərdi proqrama uyğun olaraq “Sülh Naminə Tərəfdaşlıq” proqramı çərçivəsində iyunun 21-dən 25-dək Oberomerqau şəhərində (Almaniya Federativ Respublikası) çoxmillətli böhranların idarə edilməsi üzrə kurslar keçirilir.