İyunun 8-də Bakıda NATO-nun “Sülh Naminə Tərəfdaşlıq” proqramı çərçivəsində çoxmillətli sülhməramlı “Kooperativ Determineyşn-99” təlimlərinin planlaşdırılması və keçirilməsi üzrə Əsas konfrans öz işinə başlamışdır.

İyunun 8-də saat 05:00-dan 05:30-dək Ermənistan Silahlı Qüvvələrinin bölmələri Ağdam rayonunun işğal olunmuş Şotlanlı kəndinin şimal-qərbində yerləşən mövqelərindən Azərbaycan Silahlı Qüvvələrinin Tərtər rayonunun Qızıloba kəndi sahəsindəki mövqelərini atıcı silahlardan atəşə tutmuşlar.

İyunun 8-dən 11-dək Bakıda NATO-nun “Sülh Naminə Tərəfdaşlıq” proqramı çərçivəsində çoxmillətli sülhməramlı “Kooperativ Determineyşn-99” təlimlərinin planlaşdırılması və keçirilməsi üzrə Əsas konfrans və seminar keçiriləcəkdir.

Mayın 30-da Azərbaycan Respublikasının Müdafiə naziri general-polkovnik Səfər Əbiyev general Səid Şərifin rəhbərliyi altında Pakistan Silahlı Qüvvələrinin nümayəndə heyətini qəbul etmişdir.

Mayın 28-də Azərbaycan Respublikasının Müdafiə naziri general-polkovnik Səfər Əbiyev 28 May Respublika günü münasibətilə Azərbaycanın istiqlalı uğrunda canlarını qurban vermiş qəhrəmanların uyuduğu Şəhidlər Xiyabanında onların məzarı üzərinə əklil qoymuşdur.

Mayın 27-də NATO-nun Baş Katibinin siyasi məsələlər üzrə köməkçisi Klaus-Peter Klayberin rəhbərlik etdiyi nümayəndə heyətinin Azərbaycan Silahlı Qüvvələri ilə tanışlığı davam etmişdir.

ATƏT-in hazırkı sədrinin şəxsi nümayəndəsinin mandatına uyğun olaraq, mayın 29-da Ermənistan-Azərbaycan cəbhəsinin Goranboy rayonu Tapqaraqoyunlu kəndi sahəsində qoşunların təmas xəttində növbəti monitorinqin keçirilməsi planlaşdırılır.

Mayın 26-da Azərbaycan Respublikasının Müdafiə naziri general-polkovnik Səfər Əbiyev NATO-nun Baş Katibinin siyasi məsələlər üzrə köməkçisi Klaus-Peter Klayberi və onu müşayiət edən şəxsləri qəbul etmişdir.

Mayın 28-də Türkiyə Respublikasının Ankara şəhərində yerləşən Quru Qoşunları Ali Hərb məktəbində təhsil alan azərbaycanlı kursantların hərbi andiçmə mərasimi keçiriləcəkdir.

Mayın 24-də saat 20:00-dan 21:00-dək Ermənistan Silahlı Qüvvələrinin bölmələri Krasnoselsk rayonunun ərazisində yerləşən Sarıyal yüksəkliyindəki mövqelərindən Azərbaycan Silahlı Qüvvələrinin Gədəbəy rayonunun Mutudərə kəndi istiqamətində yerləşən mövqelərini avtomatik qumbaraatanlardan və iriçaplı pulemyotlardan atəşə tutmuşlar.