Sentyabrın 9-da Azərbaycan Respublikasının Müdafiə naziri general-polkovnik Səfər Əbiyev NATO-nun “Əməkdaşlığı əlaqələndirmə qrupu” nun direktoru general-mayor Ton Kolsterenin başçılıq etdiyi nümayəndə heyətini qəbul etmişdir.

Sentyabrın 8-də saat 19:05-dən saat 21:10-dək Ermənistan Silahlı Qüvvələrinin bölmələri Yexeqnadzor rayonunun Bartsruni yaşayış məntəqəsinin cənub-qərbində yerləşən mövqelərindən, Azərbaycan Silahlı Qüvvələrinin Naxçıvan MR-sı Babək rayonunun Kərməçatax kəndi sahəsindəki mövqelərini avtomatlardan və iriçaplı pulemyotlardan; saat 21:40-dan 22:00-dək isə Ağdam rayonunun işğal olunmuş Tağıbəyli kəndi sahəsindəki mövqelərindən, Azərbaycan Silahlı Qüvvələrinin həmin rayonun Ayaqqərvənd kəndi sahəsindəki mövqelərini atıcı silahlardan atəşə tutmuşlar.

Azərbaycan Respublikası ilə NATO arasındakı fərdi proqrama uyğun olaraq, “Sülh Naminə Tərəfdaşlıq” proqramı çərçivəsində sentyabrın 10-dan 18-dək “Krivolak” (Makedoniya) təlim mərkəzində NATO üzvü və tərəfdaş dövlətlərin sülhməramlı “Kooperativ Best Effort” təlimləri; sentyabrın 11-də isə Brüssel şəhərində NATO-nun “Fövqəladə vəziyyətlərdə mülki xidmətlərin planlaşdırılması və istifadə edilməsi üzrə Baş Komitəsinin” görüşü keçiriləcəkdir.

NATO-nun “Əməkdaşlığı əlaqələndirmə qrupu” nun nümayəndə heyəti sentyabrın 7-dən 10-dək Bakıya səfərə gələcəkdir.

Azərbaycan Respublikası ilə NATO arasındakı fərdi proqrama uyğun olaraq, “Sülh Naminə Tərəfdaşlıq” proqramı çərçivəsində Kornovl şəhərinin “Mavqan” aviabazasında (Böyük Britaniya və Şimali İrlandiya Birləşmiş Krallığı) sentyabrın 4-dən 11-dək “Kooperativ Bear” təlimləri keçiriləcəkdir.

Bu günlərdə Xaçmaz rayonunda “C.

Sentyabrın 1-də Azərbaycan Respublikasının Müdafiə naziri general-polkovnik Səfər Əbiyev, xidmətini başa vurmuş Türkiyə Respublikası Bakı Böyükelçiliyi Silahlı Qüvvələr Attaşesi general-mayor Saldıray Bərki və bu vəzifəyə yeni təyin olunmuş general-mayor Sadıq Ercanı qəbul etmişdir.

Azərbaycan Respublikası ilə NATO arasındakı fərdi proqrama uyğun olaraq NATO-nun “Sülh Naminə Tərəfdaşlıq” proqramı çərçivəsində 1998-ci il avqustun 31-dən sentyabrın 4-dək Sofiya şəhərində (Bolqarıstan) çoxmillətli “Kooperativ Determineyşn” təliminin planlaşdırılması üzrə konfrans keçiriləcəkdir.

İsveçrə Silahlı Qüvvələrinin Baş Qərargahı hərbi protokol idarəsinin dəvətilə, Azərbaycan Silahlı Qüvvələrinin nümayəndəsi 1998-ci il avqustun 30-dan sentyabrın 5-dək İsveçrə Silahlı Qüvvələri ilə tanış olmaq məqsədilə bu ölkənin Sürix şəhərinə səfərə gedəcəkdir.

Avqustun 25-də saat 10:15-dən 11:00-dək Ermənistan Silahlı Qüvvələrinin bölmələri işğal olunmuş Murovdağ silsiləsi ərazisindəki Ağdağ mövqelərindən, Azərbaycan Silahlı Qüvvələrinin həmin silsilədəki Koroğlu dağındakı mövqelərini atıcı silahlardan atəşə tutmuşlar.