Ermənistan Silahlı Qüvvələrinin bölmələri avqustun 31-də saat 18:40-dan 19:45-dək, fasilələrlə Ermənistan Respublikası Berd rayonu Mosesqex və Çinari kəndləri ərazisindəki mövqelərindən Azərbaycan Silahlı Qüvvələrinin Tovuz rayonunun Əlibəyli və Ağdam kəndləri ərazisində yerləşən mövqelərini;- avqustun 31-də saat 15:30-dan 15:35-dək və sentyabrın 1-də saat 01:55-dən 02:10-dək Xocavənd rayonunun Kuropatkino kəndi yaxınlığında yerləşən mövqelərdən Azərbaycan Silahlı Qüvvələrinin üzbəüz mövqelərini avtomat və pulemyotlardan atəşə tutmuşlar.

"Sülh Naminə Tərəfdaşlıq" proqramına əlavə:

Ermənistan Silahlı Qüvvələrinin bölmələri avqustun 29-da saat 21:45-dən 22:00-dək və avqustun 30-da saat 01:00-dan 01:10-dək fasilələrlə Ermənistan Respublikası Berd rayonu Çinarlı kəndi ərazisində yerləşən mövqelərdən Azərbaycan Silahlı Qüvvələrinin Tovuz rayonunun Koxanəbi kəndi ərazisində yerləşən mövqelərini; - saat 19:00-dan 19:15-dək, 01:45-dən 03:40-dək fasilələrlə Xocavənd rayonunun ərazisindəki adsız yüksəkliklərdə və Kuropatkino kəndi yaxınlığında yerləşən mövqelərdən;- saat 03:15-dən 03:40-dək Füzuli rayonunun ərazisindəki adsız yüksəkliklərdə yerləşən mövqelərdən; - saat 02:00-dan 02:40-dək Tərtər rayonunun Qızıloba kəndi yaxınlığında yerləşən mövqelərdən Azərbaycan Silahlı Qüvvələrinin üzbəüz mövqelərini avtomat və pulemyotlardan atəşə tutmuşlar.

Ermənistan Silahlı Qüvvələrinin bölmələri avqustun 28-də saat 12:10-dan 12:30-dək, 13:20-dən 13:40-dək və avqustun 29-da saat 00:15-dən 00:55-dək fasilələrlə Ermənistan Respublikası Berd rayonu Mosesqex, Noyemberyan rayonu Vazaşen kəndləri ərazisində yerləşən mövqelərdən Azərbaycan Silahlı Qüvvələrinin Tovuz rayonunun ərazisindəki adsız yüksəkliklərdə, Əlibəyli kəndi, Ağdam kəndi və Qazax rayonunun Bala Cəfərli kəndi ərazisində yerləşən mövqelərini; - avqustun 28-də saat 12:55-dən 13:00-dək Füzuli rayonunun ərazisindəki adsız yüksəkliklərdə yerləşən mövqelərdən; - avqustun 29-da saat 06:30-dan 06:40-dək Xocavənd rayonunun ərazisindəki adsız yüksəkliklərdə yerləşən mövqelərdən Azərbaycan Silahlı Qüvvələrinin üzbəüz mövqelərini avtomat və pulemyotlardan atəşə tutmuşlar.

Ermənistan Silahlı Qüvvələrinin bölmələri avqustun 27-də saat 20:20-dən 21:30-dək və avqustun 28-də 00:45-dən 00:55-dək fasilələrlə Ermənistan Respublikası Berd rayonu adsız yüksəkliklərdə və Ayqepar, Çinari kəndləri ərazisindəki mövqelərindən Azərbaycan Silahlı Qüvvələrinin Tovuz rayonunun Əlibəyli və Koxanəbi kəndləri ərazisində yerləşən mövqelərini;- saat 23:45-dən 00:00-dək Ağdam rayonun Yusifcanlı kəndi yaxınlığında yerləşən mövqelərdən; - avqustun 27-də saat 10:55-dən 11:05-dək və avqustun 28-də saat 05:05-dən 05:15-dək Xocavənd rayonunun adsız yüksəkliklərdə və Kuropatkino kəndi yaxınlığında yerləşən mövqelərdən Azərbaycan Silahlı Qüvvələrinin üzbəüz mövqelərini avtomat və pulemyotlardan atəşə tutmuşlar.

Ermənistan Silahlı Qüvvələrinin bölmələri avqustun 27-də saat 01:30-dan 01:55-dək Ermənistan Respublikası Berd rayonunun Çinari kəndi ərazisində yerləşən mövqelərdən Azərbaycan Silahlı Qüvvələrinin Tovuz rayonunun ərazisindəki adsız yüksəkliklərdə və Ağdam kəndi ərazisində yerləşən mövqelərini; - avqustun 26-da saat 21:45-dən 22:10-dək Füzuli rayonunun ərazisindəki adsız yüksəkliklərdə yerləşən mövqelərdən; - avqustun 27-də saat 01:20-dən 02:05-dək Tərtər rayonunun Göyarx kəndi yaxınlığında yerləşən mövqelərdən Azərbaycan Silahlı Qüvvələrinin üzbəüz mövqelərini avtomat və pulemyotlardan atəşə tutmuşlar.

Azərbaycan Respublikası ilə Amerika Birləşmiş Ştatları arasında imzalanmış ikitərəfli əməkdaşlıq planına uyğun olaraq San-Antonio şəhərində Mühəndis zabitinin təməl kursu (27 avqust 2008-10 avqust 2009); Azərbaycan Respublikası ilə Türkiyə arasında imzalanmış ikitərəfli əməkdaşlıq planına uyğun olaraq Ankara şəhərində AAHM-dən bir heyətin Türkiyə Quru Qoşunları Hərbi Məktəbinin buraxılış mərasimində iştirakı (29-31 avqust); İstanbul şəhərində Türkiyə Respublikası Hərbi Dənizçilik Məktəbinin buraxılış mərasimində iştirak (30 avqust-01 sentyabr) keçirilir.

- Lvov şəhərində (Ukrayna) SNT ruhunda "Rapid Trident 2008" təlimi (30 avqust- 13 sentyabr) keçirilir.

Ermənistan Silahlı Qüvvələrinin bölmələri avqustun 25-də saat 22:50-dən 23:05-dək Ermənistan Respublikası Berd rayonunun Mosesqex kəndi ərazisində yerləşən mövqelərdən Azərbaycan Silahlı Qüvvələrinin Tovuz rayonunun Əlibəyli kəndi ərazisində yerləşən mövqelərini; - saat 23:50-dən 00:00-dək Xocavənd rayonunun adsız yüksəkliklərində yerləşən mövqelərdən;- avqustun 26-da saat 01:15-dən 01:25-dək Tərtər rayonunun Çaylı kəndi yaxınlığında yerləşən mövqelərdən;- saat 01:20-dən 01:30-dək Ağdam rayonunun Yusifcanlı kəndi yaxınlığında yerləşən mövqelərdən Azərbaycan Silahlı Qüvvələrinin üzbəüz mövqelərini avtomat və pulemyotlardan atəşə tutmuşlar.

ATƏT-in fəaliyyətdə olan sədrinin şəxsi nümayəndəsinin mandatına uyğun olaraq avqustun 27-də Azərbaycan Respublikasının Bərdə-Ağdam yolunun yaxınlığında, qoşunların təmas xəttində monitorinq keçirilməsi planlaşdırılır.