Azərbaycan Respublikasının Müdafiə naziri general-polkovnik Səfər Əbiyev dekabrın 18-də Brüssel şəhərində NATO-nun qərargah-mənzilində NATO-üzvü və tərəfdaş dövlətlərin Müdafiə nazirlərinin sessiyasında, Avropa-Atlantik Tərəfdaşlığı Şurasının (AATŞ) keçirdiyi görüşdə iştirak etmişdir.

Dekabrın 19-da saat 22:25-dən 23:15-dək Ermənistan Silahlı Qüvvələrinin bölmələri Berd rayonunun Paravakaryal yüksəkliyindəki mövqelərindən Azərbaycan Silahlı Qüvvələrinin Qazax rayonunun Qarayal dağı sahəsindəki mövqelərini atıcı silahlardan və iriçaplı pulemyotlardan atəşə tutmuşlar.

Dekabrın 18-də saat 11:15-dən 12:20-dək Ermənistan Respublikası Silahlı Qüvvələrinin bölmələri Krasnoselsk rayonunun ərazisində yerləşən Lahzıyal yüksəkliyindəki mövqelərindən Azərbaycan Respublikası Silahlı Qüvvələrinin Gədəbəy rayonunun Ağdaş dağı ərazisində yerləşən mövqelərini avtomatlardan və iriçaplı pulemyotlardan, saat 21:00-dan 21:20-dək isə Berd rayonunun Paravakaryal yüksəkliyində yerləşən mövqelərindən Qazax rayonunun cənub sahəsindəki mövqelərini atıcı silahlardan və iriçaplı pulemyotlardan atəşə tutmuşdur.

Dekabrın 16-da saat 21:18-dən 21:25-dək Ermənistan Respublikası Silahlı Qüvvələrinin bölmələri Berd rayonunun Paravakaryal yüksəkliyində yerləşən mövqelərindən Azərbaycan Respublikası Silahlı Qüvvələrinin Qazax rayonunun Qarayal yüksəkliyi ərazisində yerləşən mövqelərini, dekabrın 17-də isə saat 08:00-da Ağdam bölgəsində yerləşən mövqelərini atıcı silahlardan atəşə tutmuşdur.

Dekabrın 18-də Brüssel şəhərində (Belçika Krallığı) NATO-nun qərargah-mənzilində NATO üzvü və tərəfdaş dövlətlərin Müdafiə nazirlərinin görüşü keçiriləcək.

Azərbaycan Respublikası ilə NATO arasında imzalanmış fərdi proqrama uyğun olaraq dekabrın 14-dən 18-dək Ankara şəhərində (Türkiyə Respublikası) sülhməramlı və humanitar əməliyyatların aparılması zamanı qaçqınların məsələlərinə nəzarət kursları keçiriləcəkdir.

Dekabrın 12-də Müdafiə Nazirliyinin Azərbaycan Respublikası Silahlı Qüvvələrində 1998-ci tədris ilinin yekunlarına həsr edilmiş geniş kollegiyası keçirilmişdir.

Dekabrın 10-da saat 17:20-dən 18:20-dək Ermənistan Respublikası Silahlı Qüvvələrinin bölmələri Noemberyan rayonunun Berdavan yaşayış məntəqəsi istiqamətindən Azərbaycan Respublikası Silahlı Qüvvələrinin Qazax rayonu Qaymaqlı yaşayış məntəqəsi sahəsində yerləşən bölmələrini avtomat və pulemyotlardan atəşə tutmuşlar.

Azərbaycan Respublikası ilə NATO arasında imzalanmış fərdi proqrama uyğun olaraq “Sülh Naminə Tərəfdaşlıq” proqramı çərçivəsində dekabrın 7-dən 13-dək Bolqarıstanda “Kooperativ Determineyşn” sülhməramlı komanda-qərargah təlimləri keçirilir.

Azərbaycan Respublikası ilə NATO arasında imzalanmış fərdi proqrama uyğun olaraq dekabrın 6-dan 11-dək Bad-Ems (AFR) şəhərində hərbi informasiya üzrə seminar, dekabrın 7-dən 11-dək Paris şəhərində (Fransa) ikinci hərbi hava kompaniyası üzrə kurslar, dekabrın 7-dən 11-dək isə Oberamerqau şəhərində (AFR) silahlar üzərində nəzarət kursları keçiriləcək.