NATO ilə Azərbaycan Respublikası arasında imzalanmış fərdi proqrama uyğun olaraq, "Sülh Naminə Tərəfdaşlıq" proqramı çərçivəsində oktyabrın 23-dən 27-dək Lüsern şəhərində (İsveçrə) Silahlı Qüvvələrin şəxsi heyətinin fərdi hazırlığı və təhsili üzrə işçi qrupun görüşü; Oberammergau şəhərində (Almaniya Federativ Respublikası) ehtiyat qüvvələri və səfərbərliyin keçirilməsi üzrə NATO kursları; Ankara şəhərində (Türkiyə Respublikası) sülhü dəstəkləmə əməliyyatlarının təşkilində hərbi müşahidəçilər üçün kurslar və oktyabrın 23-dən noyabrın 3-dək İstanbul şəhərində (Türkiyə Respublikası) sülhü dəstəkləmə əməliyyatlarının keçirilməsində quru qoşunları, hərbi dəniz qüvvələri və hərbi hava qüvvələrinin qarşılıqlı fəaliyyəti üzrə kurslar keçiriləcək.

Oktyabrın 19-da saat 21:50-dən 22:30-dək Ermənistan Silahlı Qüvvələrinin bölmələri Ağdam rayonunun işğal olunmuş Tağıbəyli kəndinin şimal-şərqindəki mövqelərindən Azərbaycan Silahlı Qüvvələrinin həmin rayonun Təzəkənd yaşayış məntəqəsindəki mövqelərini avtomatlardan və pulemyotlardan atəşə tutmuşlar.

Oktyabrın 13-də Azərbaycan Respublikasının Müdafiə naziri — general-polkovnik Səfər Əbiyev Amerika Birləşmiş Ştatlarının Azərbaycan Respublikasında yeni təyin olunmuş fövqəladə və səlahiyyətli səfiri cənab Ross Uilsonu qəbul etmişdir.

NATO ilə Azərbaycan Respublikası arasında imzalanmış fərdi proqrama uyğun olaraq, "Sülh Naminə Tərəfdaşlıq" proqramı çərçivəsində oktyabrın 16-dan 20-dək Brüssel şəhərində (Belçika Krallığı) partlayıcı maddələrin zərərsizləşdirilməsi üzrə işçi qrupunun görüşü keçirilir.

Azərbaycan Respublikasının Müdafiə naziri general-polkovnik Səfər Əbiyevin rəhbərlik etdiyi nümayəndə heyəti Ukraynanın Müdafiə Naziri ordu generalı Aleksandr Kuzmukun dəvətilə oktyabrın 10-dan 11-dək Kiyev şəhərində rəsmi səfərdə olmuşdur.

Azərbaycan Respublikasının Müdafiə naziri general-polkovnik Səfər Əbiyevin rəhbərlik etdiyi nümayəndə heyəti Ukraynanın Müdafiə naziri ordu generalı Aleksandr Kuzmukun dəvətilə oktyabrın 10-da Kiyev şəhərinə rəsmi səfərə yola düşmüşdür.

NATO ilə Azərbaycan Respublikası arasında imzalanmış fərdi proqrama uyğun olaraq, "Sülh Naminə Tərəfdaşlıq" proqramı çərçivəsində oktyabrın 8-dən 10-dək Bratislava şəhərində (Slovakiya) Mülki Müdafiə komitəsinin seminarı; oktyabrın 9-dan 14-dək İstanbul şəhərində (Türkiyə Respublikası) tərəfdaşlıq ruhunda "Peacefull Star-2000" sülhməramlı təlimləri; oktyabrın 9-dan 19-dək Aaxen (Almaniya Federativ Respublikası) şəhərində Silahlı Qüvvələrin maddi-texniki təminatı üzrə, oktyabrın 9-dan 20-dək isə Oberammergau (Almaniya Federativ Respublikası) şəhərində Avropada Adi Silahlı Qüvvələr haqqında müqaviləyə uyğun olaraq silahlar üzərində nəzarətin həyata keçirilməsini yoxlamaq məqsədilə inspeksiya aparılması üzrə kurslar keçirilir.

Oktyabrın 5-də saat 00:15-dən 00:45-dək Ermənistan Silahlı Qüvvələrinin bölmələri Berd rayonunun Aygedzor yaşayış məntəqəsinin şimalında yerləşən mövqelərindən Azərbaycan Silahlı Qüvvələrinin Tovuz rayonu ərazisindəki Aran dağında yerləşən mövqelərini atıcı silahlardan atəşə tutmuşlar.

Oktyabrın 3-də Azərbaycan Respublikasının Müdafiə naziri general-polkovnik S.Əbiyev Fransa Respublikasının Azərbaycan Respublikasındakı fövqəladə və səlahiyyətli səfiri cənab Jan Pyer Ginyutu, Fransa Respublikasının Gürcüstanda və Azərbaycan Respublikasında yeni təyin edilmiş hərbi attaşesi polkovnik-leytenant Fransis Monkobeki qəbul etmişdir.

NATO ilə Azərbaycan Respublikası arasında imzalanmış fərdi proqrama uyğun olaraq, "Sülh Naminə Tərəfdaşlıq" proqramı çərçivəsində oktyabrın 2-dən 13-dək Oberammergau şəhərində (AFR) kütləvi qırğın silahları haqqında xəbərdar etmə və informasiya ötürmə sistemi üzrə NATO kursları, oktyabrın 2-dən 6-dək Brüssel şəhərində (Belçika Krallığı) NATO üzvü və tərəfdaş dövlətlərin maliyyə qrupu ekspertlərinin görüşü keçirilir.