Mayın 22-də Azərbaycan Respublikasının Müdafiə naziri general-polkovnik S.Əbiyev Amerika Birləşmiş Ştatları Müdafiə nazirinin müavini doktor Edvard L.Uorneri və onu müşayiət edən şəxsləri qəbul etmişdir.

Mayın 17-də saat 00:10-dan 00:30-dək Ermənistan Silahlı Qüvvələrinin bölmələri Berd rayonunun ərazisində yerləşən Paravakar yaşayış məntəqəsinin şimal-şərqindəki mövqelərindən Azərbaycan Silahlı Qüvvələrinin Qazax rayonunun Bala Cəfərli kəndi sahəsindəki mövqelərini atıcı silahlardan atəşə tutmuşlar.

Mayın 14-də Azərbaycan Respublikasının Müdafiə naziri general-polkovnik S.Əbiyev Amerika Birləşmiş Ştatlarının Azərbaycandakı fövqəladə və səlahiyyətli səfiri cənab Stenli Eskuderonu və onu müşaiət edən şəxsləri qəbul etmişdir.

Mayın 11-də saat 22:20-dən 23:45-dək Ermənistan Silahlı Qüvvələrinin bölmələri Berd rayonunun ərazisində yerləşən Paravakaryal yüksəkliyindəki mövqelərindən Azərbaycan Silahlı Qüvvələrinin Qazax rayonunun Bala Cəfərli kəndi sahəsindəki mövqelərini atıcı silahlardan atəşə tutmuşlar.

Azərbaycan Respublikası ilə NATO arasında imzalanmış fərdi proqrama uyğun olaraq “Sülh Naminə Tərəfdaşlıq” proqramı çərçivəsində mayın 11-dən 14-dək Kanadanın Valkartye şəhərində “Kooperativ Best Effort-99” təlimləri üzrə yekun konfransı keçirilir.

Avropada Adi Silahlı Qüvvələr (AASQ) haqqında müqavilə və 1994-cü ilin Vyana sənədinə müvafiq olaraq mayın 11-dən 12-dək ABŞ Silahlı Qüvvələrinin inspeksiya qrupu Azərbaycan Respublikası Silahlı Qüvvələrində inspeksiya keçirilir.

Mayın 7-də Azərbaycan Respublikasının Müdafiə naziri general-polkovnik S.Əbiyev 9 may Qələbə gününün 54-cü ildönümü münasibətilə Böyük Vətən müharibəsi veteranlarının bir qrupunu qəbul etmişdir.

Mayın 3-də Azərbaycan Respublikasının Müdafiə naziri general-polkovnik S.Əbiyev Ukraynanın Azərbaycan Respublikasındakı fövqəladə və səlahiyyətli səfiri Aleksenko Boris Qriqoryeviçi qəbul etmişdir.

Mayın 3-də Azərbaycan Respublikasının Müdafiə naziri general-polkovnik Səfər Əbiyev Türkiyə Respublikası Jandarm Qoşunlarının baş komandanı ordu generalı Rasim Betiri və onu müşayiət edən şəxsləri qəbul etmişdir.

Aprelin 23-də saat 21:20-dən 22:00-dək Ermənistan Silahlı Qüvvələrinin bölmələri Goranboy rayonunun işğal olunmuş Talış kəndinin şimal-şərqində yerləşən mövqelərindən Azərbaycan Silahlı Qüvvələrinin həmin rayonun Borsunlu kəndi sahəsindəki mövqelərini atıcı silahlardan atəşə tutmuşlar.