Noyabrın 27-də Azərbaycan Respublikasının Müdafiə naziri general-polkovnik Səfər Əbiyev Rusiya Federasiyasının Azərbaycan Respublikasındakı fövqəladə və səlahiyyətli səfiri Aleksandr Bloxini və Silahlı Qüvvələr attaşesi I dərəcəli kapitan Vladimir Sukaçı onların xahişi ilə qəbul etmişdir.

Azərbaycan Respublikasının Müdafiə naziri general-polkovnik Səfər Əbiyevin rəhbərlik etdiyi nümayəndə heyəti Rusiya Federasiyasının Müdafiə naziri marşal İqor Sergeyevin dəvətilə noyabrın 24-dən 26-dək Moskva şəhərində rəsmi səfərdə olmuşdur.

Azərbaycan Respublikası ilə NATO arasında imzalanmış fərdi proqrama uyğun olaraq “Sülh Naminə Tərəfdaşlıq” proqramı çərçivəsində noyabrın 26-dan dekabrın 6-dək Buxarest (Rumıniya) şəhərində “Kooperativ Determineyşn-99” çoxmillətli Komanda-Qərargah təlimləri keçiriləcəkdir.

Azərbaycan Respublikasının Müdafiə naziri general-polkovnik Səfər Əbiyev Rusiya Federasiyasının Müdafiə naziri Rusiya Federasiyası Marşalı İqor Sergeyevin dəvətilə 1999-cu il noyabrın 24-dən 26-dək Moskva şəhərində rəsmi səfərdə olacaqdır.

Noyabrın 19-da Azərbaycan Respublikasının Müdafiə naziri general-polkovnik Səfər Əbiyev Türkiyə Respublikası Silahlı Qüvvələri Baş Qərargahı Maddi-texniki təminat İdarəsinin rəisi general-leytenant Ünal Sipanioğlunun rəhbərlik etdiyi nümayəndə heyətini qəbul etmişdir.

Oktyabrın 21-də Azərbaycan Respublikasının Müdafiə naziri general-polkovnik Səfər Əbiyev Kanadanın Türkiyə və Azərbaycan Respublikalarındakı yeni təyin olunmuş fövqəladə və səlahiyyətli səfiri cənab J.M.Düvalı qəbul etmişdir.

Oktyabrın 21-də Azərbaycan Respublikasının Müdafiə naziri general-polkovnik Səfər Əbiyev Amerika Birləşmiş Ştatları Dövlət katibinin Yeni Müstəqil Dövlətlər üzrə xüsusi köməkçisi Stiven Sestanoviçi və onu müşayiət edən şəxsləri qəbul etmişdir.

Oktyabrın 20-də Azərbaycan Respublikasının Müdafiə naziri general-polkovnik Səfər Əbiyev İtaliya Respublikasının Azərbaycandakı fövqəladə və səlahiyyətli səfiri cənab Alessandro Fallavollitanı və İtaliya Respublikasının Türkiyə və Azərbaycan Respublikalarındakı Silahlı Qüvvələr attaşesi I dərəcəli kapitan Karlo Ferratanı qəbul etmişdir.

Oktyabrın 11-dən 17-dək voleybol üzrə Azərbaycan Respublikası Silahlı Qüvvələrinin birinciliyi keçirilir.

Azərbaycan Respublikası ilə NATO arasında imzalanmış fərdi proqrama uyğun olaraq “Sülh Naminə Tərəfdaşlıq” proqramı çərçivəsində oktyabrın 4-dən 8-dək Aaxen şəhərində (AFR) qoşunların arxa təminatı üzrə kurs; oktyabrın 5-dən 7-dək Stokholm şəhərində (İsveç) dənizsahili əməliyyatların keçirilməsi üzrə seminar; oktyabrın 5-dən 16-dək Sidney şəhərində (Kanada) sülhməramlı “Kooperativ Zenit” komanda-qərargah təlimləri keçiriləcəkdir.