Müdafiə Nazirliyinin məlumatı
30 Mart 2005 00:00
Martın 29-da Ermənistan Silahlı Qüvvələrinin bölmələri saat 20:30-dan 20:45-dək Ağdam rayonunun işğal olunmuş Sarıcalı kəndinin şimal-qərbində yerləşən mövqelərindən Azərbaycan Silahlı Qüvvələrinin həmin rayonun Evoğlu kəndi istiqamətindəki mövqelərini, martın 30-da saat 05:25-dən 05:30-dək Ağdam rayonunun işğal olunmuş Şıxlar kəndinin cənubunda yerləşən mövqelərindən Azərbaycan Silahlı Qüvvələrinin həmin kəndin sahəsində yerləşən üzbəüz mövqelərini avtomatlardan və pulemyotlardan atəşə tutmuşlar.
Müdafiə Nazirliyinin məlumatı
29 Mart 2005 00:01
Martın 28-də Azərbaycana rəsmi səfərə gəlmiş Türkiyə Respublikası Hərbi Dəniz Qüvvələrinin komandanı donanma admiralı Özden Örneyin Azərbaycan Müdafiə Nazirliyində təntənəli qarşılanma mərasimi olmuşdur.
Müdafiə Nazirliyinin məlumatı
29 Mart 2005 00:00
Martın 28-də Ermənistan Silahlı Qüvvələrinin bölmələri saat 15:00-dan 15:20-dək Qazax rayonunun işğal olunmuş Xeyrimli kəndinin 1,5 km şimal-şərqində yerləşən mövqelərindən həmin rayonun Məzəmli kəndini, saat 20:35-dən 20:40-dək İcevan rayonunun Berkaber kəndinin 1,3 km şimal-şərqində yerləşən mövqelərindən Azərbaycan Silahlı Qüvvələrinin Qazax rayonunun Qızılhacılı kəndi sahəsindəki mövqelərini və saat 21:50-dən 22:10-dək Ağdam rayonunun işğal olunmuş Baş Qərvənd kəndinin 0.5 km cənubunda yerləşən mövqelərindən Azərbaycan Silahlı Qüvvələrinin həmin rayonun Çıraqlı kəndi sahəsindəki mövqelərini avtomatlardan və pulemyotlardan atəşə tutmuşlar.
Müdafiə Nazirliyinin məlumatı
24 Mart 2005 00:01
ATƏT-in hazırkı sədrinin şəxsi nümayəndəsinin mandatına uyğun olaraq martın 25-də Goranboy rayonunun Borsunlu kəndi sahəsində, qoşunların təmas xəttində monitorinq keçirilməsi planlaşdırılır.
Müdafiə Nazirliyinin məlumatı
22 Mart 2005 00:01
Martın 22-də Azərbaycan Respublikasının Müdafiə naziri general-polkovnik Səfər Əbiyev Ukraynanın Azərbaycan Respublikasındakı fövqəladə və səlahiyyətli səfiri cənab Anatoliy Yurçenko və hərbi attaşesi birinci dərəcəli kapitan Yuriy Yuzkonu qəbul etmişdir.
Müdafiə Nazirliyinin məlumatı
18 Mart 2005 00:01
Martın 18-də Azərbaycan Respublikasının Müdafiə naziri general-polkovnik Səfər Əbiyev Çex Respublikası parlamentinin müdafiə və təhlükəsizlik komitəsinin sədri cənab Yan Vidimin rəhbərlik etdiyi nümayəndə heyətini qəbul etmişdir.
Müdafiə Nazirliyinin məlumatı
17 Mart 2005 00:01
Martın 17-də Azərbaycan Respublikasının Müdafiə naziri general-polkovnik Səfər Əbiyev ABŞ Oklahoma ştatı Milli Qvardiyasının komandanı general-mayor Harri Uaytı qəbul etmişdir.
Müdafiə Nazirliyinin məlumatı
17 Mart 2005 00:00
Martın 16-da saat 21:00-dan 21:15-dək Ermənistan Silahlı Qüvvələrinin bölmələri Noyemberyan rayonunun Dovex kəndinin 3,5 km cənub-şərqində yerləşən mövqelərindən Azərbaycan Silahlı Qüvvələrinin Qazax rayonunun Kəmərli kəndi istiqamətində yerləşən mövqelərini avtomatlardan və pulemyotlardan atəşə tutmuşlar.
Müdafiə Nazirliyinin məlumatı
16 Mart 2005 00:01
ATƏT-in hazırkı sədrinin şəxsi nümayəndəsinin mandatına uyğun olaraq martın 17-də Tərtər rayonunun Qapanlı kəndi sahəsində, qoşunların təmas xəttində monitorinq keçirilməsi planlaşdırılır.
Müdafiə Nazirliyinin məlumatı
16 Mart 2005 00:00
Martın 15-dən 16-na keçən gecə saat 20:30-dan 01:45-dək Ermənistan Silahlı Qüvvələrinin bölmələri Ağdam rayonunun işğal olunmuş Sarıcalı kəndinin 1 km şimalında və 2,5 km cənub-şərqində yerləşən mövqelərindən Azərbaycan Silahlı Qüvvələrinin üzbəüz mövqelərini avtomatlardan və pulemyotlardan ara-sıra atəşə tutmuşlar.
