Azərbaycan Respublikasının Müdafiə naziri general-polkovnik Səfər Əbiyevin rəhbərlik etdiyi nümayəndə heyəti dekabrın 23-dən 27-dək Türkiyə Respublikasında rəsmi səfərdə olmuşdur.

Dekabrın 24-də Azərbaycan Respublikasının Müdafiə naziri general-polkovnik Səfər Əbiyev Pakistan İslam Respublikasının Bakı və Tehrandakı attaşesi briqada generalı Eftixar Xan Mehdini qəbul etmişdir.

Azərbaycan Respublikasının Müdafiə naziri general-polkovnik Səfər Əbiyevin rəhbərlik etdiyi nümayəndə heyəti dekabrın 21-də Moskva şəhərində keçirilən MDB Müdafiə nazirləri Şurasının yekun iclasında iştirak etmişdir.

Dekabrın 21-də Moskva şəhərində MDB Müdafiə Nazirləri Şurasının “1999-cu ildə Müdafiə Nazirləri Şurasının işçi orqanlarının işinin yekunları və 2000-ci il üçün iş planının tərtib edilməsi” mövzusunda növbəti iclası keçiriləcəkdir.

Dekabrın 17-də Azərbaycan Respublikası Müdafiə Nazirliyi kollegiyasının geniş iclası keçirilmişdir.

Həmin gün Azərbaycan Respublikasının Müdafiə naziri general-polkovnik Səfər Əbiyev Çin Xalq Respublikasının Azərbaycan Respublikasındakı fövqəladə və səlahiyyətli səfiri Çjan Qotsyanı və Silahlı Qüvvələr attaşesi polkovnik-leytenant Yan Syuqanı qəbul etmişdir.

Dekabrın 13-də Azərbaycan Respublikasının Müdafiə naziri general-polkovnik Səfər Əbiyev Pakistan İslam Respublikasının Azərbaycan Respublikasındakı yeni təyin edilmiş fövqəladə və səlahiyyətli səfiri xanım Asma Anisanı qəbul etmişdir.

Dekabrın 2-si və 3-də NATO-nun mənzil-qərargahı yerləşən Brüssel şəhərində (Belçika Krallığı) Avropa-Atlantika əməkdaşlığı Şurasının illik sessiyasında Müdafiə nazirlərinin iştirak etdiyi toplantıda Azərbaycan Respublikasını Müdafiə naziri general-leytenant Səfər Əbiyev təmsil edəcəkdir.