ATƏT-in hazırkı sədrinin şəxsi nümayəndəsinin mandatına uyğun olaraq noyabrın 11-də Azərbaycan Respublikası və Ermənistan Respublikası Silahlı Qüvvələrinin Füzuli rayonunun Qaraxanbəyli kəndi sahəsində, qoşunların təmas xəttində monitorinq keçirilməsi planlaşdırılır.

Noyabrın 6-da Azərbaycan Respublikasının Müdafiə naziri general-polkovnik Səfər Əbiyev Amerika Birləşmiş Ştatları Prezidentinin milli təhlükəsizlik üzrə sabiq müşaviri, məşhur politoloq Zbiqnev Bjezinskinin rəhbərlik etdiyi nümayəndə heyətini qəbul etmişdir.

NATO ilə Azərbaycan Respublikası arasında imzalanmış fərdi proqrama uyğun olaraq, "Sülh Naminə Tərəfdaşlıq" proqramı çərçivəsində noyabrın 6-dan 9-dək Buxarest şəhərində (Rumıniya) "EXPOMİL 2003", "İCOMİL 2003" seminarları və noyabrın 6-dan 11-dək Brüssel şəhərində (Belçika Krallığı) Ali Mülki Fövqəladə Planlaşdırma Komitəsinin Avro-Atlantik Tərəfdaşlıq Şurası formatında plenar iclası keçirilir.

Bolqarıstan Respublikasının Müdafiə naziri Nikolay Svinarov noyabrın 4-də Bakıya rəsmi səfərə gəlmişdir.

NATO ilə Azərbaycan Respublikası arasında imzalanmış fərdi proqrama uyğun olaraq, "Sülh Naminə Tərəfdaşlıq" proqramı çərçivəsində noyabrın 3-dən 5-dək Verona şəhərində (İtaliya) "2003-cü il üçün Cənub Regionu Əməkdaşlıq Konfransı", noyabrın 3-dən 7-dək Ankara şəhərində (Türkiyə) "Mülki Fövqəladə Planlaşdırma/Mülki Hərbi Əməkdaşlıq üzrə kurs", Oberammerqau şəhərində (Almaniya Federativ Respublikası) "Çoxmillətli Qüvvələr üzrə tanışlıq" kursu, Klaypeda şəhərində (Litva) "RESCUER/MEDCUER" təliminin ilkin planlaşdırma konfransı, noyabrın 3-dən 14-dək Roma şəhərində (İtaliya) "Sülh Naminə Tərəfdaşlıq/ATƏT inteqrasiya kursu", noyabrın 3-dən 18-dək İstanbul şəhərində (Türkiyə) "Allied Action-03” təlimi və noyabrın 3-dən 21-dək Oberammerqau şəhərində (Almaniya Federativ Respublikası) "NATO/ Tərəfdaş ölkələrin qərargah zabitləri üçün kurs" keçirilir.

ATƏT-in hazırkı sədrinin şəxsi nümayəndəsinin mandatına uyğun olaraq, oktyabrın 24-də Azərbaycan Respublikası və Ermənistan Respublikası Silahlı Qüvvələrinin Tərtər rayonu sahəsində, qoşunların təmas xəttində monitorinq keçirilməsi planlaşdırılır.

Oktyabrın 23-də Azərbaycan Respublikasının Müdafiə naziri general-polkovnik Səfər Əbiyev Türkiyə Respublikası Silahlı Qüvvələri Quru Qoşunlarının Komandanı ordu generalı Aytac Yalmanı və nümayəndə heyətini qəbul etmişdir.

Oktyabrın 22-də Azərbaycan Respublikasının Müdafiə naziri general-polkovnik Səfər Əbiyev Amerika Birləşmiş Ştatlarının ictimai-siyasi xadimi, Keçid Dövrü Demokratiyası Lahiyəsinin direktoru, Amerika Birləşmiş Ştatlarının NATO üzrə Komitəsinin prezidenti cənab Brüs Ceksonu qəbul etmişdir.

NATO ilə Azərbaycan Respublikası arasında imzalanmış fərdi proqrama uyğun olaraq, “Sülh Naminə Tərəfdaşlıq” proqramı çərçivəsində oktyabrın 20-dən 22-dək Almaniya Federativ Respublikasında “Avropa ordularının onbirinci illik konfransı”, oktyabrın 20-dən 24-dək Gölcük şəhərində (Türkiyə) “Yanacaq standartları, dəniz və limanda yanacaq doldurulması üzrə kurs” və oktyabrın 22-dən 23-dək Moskva şəhərində (Rusiya Federasiyası) “Hərbi cərrahiyyəyə həsr olunmuş xüsusi seminar” keçirilir.

Oktyabrın 10-da Azərbaycan Respublikasının Müdafiə naziri general-polkovnik Səfər Əbiyev Fransa Respublikasının Azərbaycan Respublikasındakı fövqəladə və səlahiyyətli səfiri xanım Şantal Puareni və hərbi attaşesi polkovnik-leytenant Jan Mark Babünü qəbul etmişdir.