Martın 2-də Azərbaycan Respublikasında rəsmi səfərdə olan Sloveniya Respublikasının müdafiə naziri xanım Lyubitsa Yelusiçinin Azərbaycanın müdafiə naziri general-polkovnik Səfər Əbiyevlə görüşü olub.

Ermənistan silahlı qüvvələrinin bölmələri fevralın 28-də saat 19:20-dən 19:35-dək Ermənistan Respublikasının Noyemberyan rayonunun ərazisindəki adsız yüksəkliklərdə yerləşən mövqelərdən Qazax rayonunun ərazisindəki adsız yüksəkliklərdə yerləşən mövqelərimizi, saat 18:30-dan 18:40-dək Ağdam rayonunun Cəvahirli kəndi yaxınlığında yerləşən mövqelərdən, saat 20:10-dan 20:20-dək Goranboy rayonunun Tapqaraqoyunlu kəndi yaxınlığında yerləşən mövqelərdən, saat 23:20-dən 23:35-dək Füzuli rayonunun Aşağı Seyidəhmədli və Alxanlı kəndləri yaxınlığında yerləşən mövqelərdən, martın 1-də saat 07:10-dan 07:20-dək Tərtər rayonunun Qızıloba kəndi yaxınlığında yerləşən mövqelərdən Azərbaycan Silahlı Qüvvələrinin üzbəüz mövqelərini avtomat və pulemyotlardan atəşə tutublar.

Martın 1-də Azərbaycan Respublikasının müdafiə naziri general-polkovnik Səfər Əbiyev Macarıstan və Gürcüstan respublikalarının Azərbaycana yeni təyin olunmuş fövqəladə və səlahiyyətli səfirləri Jolt Çutoranı və Teymuraz Şaraşenidzeni qəbul edib.