ATƏT-in hazırkı sədrinin şəxsi nümayəndəsinin mandatına uyğun olaraq martın 10-da Azərbaycan Respublikası və Ermənistan Respublikası Silahlı Qüvvələrinin Qazax rayonunun Quşçu Ayrım kəndi sahəsində, qoşunların təmas xəttində monitorinq keçirilməsi planlaşdırılır.

NATO ilə Azərbaycan Respublikası arasında imzalanmış fərdi proqrama uyğun olaraq, “Sülh Naminə Tərəfdaşlıq” proqramı çərçivəsində martın 8-də Brüssel şəhərində (Belçika Krallığı) NATO-nun hərbi-siyasi rəhbəredici komitəsinin görüşü və martın 8-dən 12-dək Oberammerqau şəhərində (Almaniya) “NATO-nun mülki-hərbi əməkdaşlığı” üzrə kurs keçirilir.

Martın 5-də Azərbaycan Respublikasının Müdafıə naziri general-polkovnik Səfər Əbiyev Böyük Britaniya və Şimali İrlandiya Birləşmiş Krallığının Azərbaycan Respublikasındakı fövqəladə və səlahiyyətli səfiri doktor Lauri Bristounu qəbul etmişdir.

Fevralın 26-da azaraq düşmən sahəsində minaya düşüb həlak olmuş “N” saylı hərbi hissənin giziri Əhmədov Rəşad Həmdulla oğlunun cəsədi martın 2-də Azərbaycan tərəfə qaytarılmışdır.

NATO ilə Azərbaycan Respublikası arasında imzalanmış fərdi proqrama uyğun olaraq, “Sülh Naminə Tərəfdaşlıq” proqramı çərçivəsində martın 1-dən 5-dək Oberammerqau şəhərində (Almaniya) “NATO-nun Sülhü Dəstəkləmə Əməliyyatları” üzrə kurs, Riqa şəhərində (Latviya) “Əməliyyat, Rabitə və İnformasiya sistemlərinin planlaşdırılması” üzrə işçi görüşü, martın 1-dən 12-dək Brunssum şəhərində (Hollandiya) “Çoxmillətli Birləşmiş Operativ Qüvvələrin Qərargah Zabitləri kursu” və martın l-dən 19-dək Oberammerqau şəhərində (Almaniya) “Qərargah zabitləri kursu” keçirilir.

Fevralın 29-da Azərbaycan Respublikasının Müdafiə naziri general-polkovnik Səfər Əbiyev Amerika Birləşmiş Ştatları Milli Təhlükəsizlik üzrə Biznes İcraçıları Təşkilatının Prezidenti və baş icraçı əməkdaşı, istefada olan general Çarlz Boydun rəhbərlik etdiyi nümayəndə heyətini və ABŞ Silahlı Qüvvələri Avropa Komandanlığının Səfərbərlik və Ehtiyat Qüvvələri məsələləri üzrə İdarəsinin direktoru general-mayor Ceyms Dardeni qəbul etmişdir.

Fevralın 26-da Azərbaycan Respublikasının Müdafiə naziri general-polkovnik Səfər Əbiyev Avropa Şurası Parlament Assambleyasının Dağlıq Qarabağ Münaqişəsi üzrə məruzəçisi cənab Terri Devisi qəbul etmişdir.

Fevralın 24-də “N” saylı hərbi hissənin Murovdağ sahəsində vəzifə borclarını yerinə yetirərkən qar uçqununa düşmüş əsgər Bağırov Rabit Mosəl oğlu və əsgər Şahmərdanov Faiq Balababa oğlunun cəsədləri aparılan axtarış-xilasetmə əməliyyatları nəticəsində fevralın 26-da tapılmışdır.

Fevralın 26-da Azərbaycan Respublikasının Müdafiə naziri general-polkovnik Səfər Əbiyev Avropa Şurası Parlament Assambleyasının Dağlıq Qarabağ münaqişəsi üzrə məruzəçisi cənab Terri Devisi qəbul etmişdir.

Fevralın 24-də “N” saylı hərbi hissənin Murovdağ sahəsində əsgər Bağırov Rabit Mosəl oğlu (30 yanvar 1985-ci ildə doğulub, 7 iyul 2003-cü ildə Gədəbəy RHK-dan çağırılıb) və əsgər Şahmərdanov Faiq Balababa oğlu (10 aprel 1984-ci ildə doğulub, 2 oktyabr 2002-ci ildə Qusar RHK-dan çağırılıb) qar uçqununa düşmüşlər.