Rusiya Federasiyasının Müdafiə naziri Sergey İvanov fevralın 26-da Bakıya rəsmi səfərə gəlmişdir.

Fevralın 26-da “Panarmenian Network” informasiya agentliyi Ermənistan Müdafiə Nazirliyinin Mətbuat Xidmətinə istinad edərək, belə bir məlumat yaymışdır:

ATƏT-in hazırkı sədrinin şəxsi nümayəndəsinin mandatına uyğun olaraq, fevralın 27-də Azərbaycan Respublikası və Ermənistan Respublikası Silahlı Qüvvələrinin Füzuli rayonunun Qaraxanbəyli kəndi yaxınlığındakı qoşunların təmas xəttində monitorinq keçirilməsi planlaşdırılır.

Azərbaycan Respublikasının Müdafiə naziri general-polkovnik Səfər Əbiyevin dəvəti ilə Rusiya Federasiyasının Müdafiə naziri Serqey İvanov fevralın 26-da Bakı şəhərinə rəsmi səfərə gələcəkdir.

Fevralın 18-də saat 17:00-dan 17:45-dək Ermənistan Silahı Qüvvələrinin bölmələri Krasnoselsk rayonu sahəsindəki yüksəklikdə yerləşən mövqelərindən Azərbaycan Silahlı Qüvvələrinin Gədəbəy rayonunun Başkənd aşırımı ərazisində yerləşən mövqelərini atıcı silahlardan ara-sıra atəşə tutmuşlar.

13 fevral 2003-cü il tarixdə əsir düşmüş əsgər Ələkbərov Həmid Şərafəddin oğlu fevralın 18-də saat 12:30-da Azərbaycan tərəfinə qaytarılmışdır.

Fevralın 5-də Azərbaycan Respublikasının Müdafiə naziri general-polkovnik Səfər Əbiyev Türkiyə Respublikası Milli Təhlükəsizlik Akademiyasının rəisi diviziya generalı Kenan Dənizi və onun rəhbərlik etdiyi nümayəndə heyətini qəbul etmişdir.