Sentyabrın 22-də saat 01:20-dən 02:00-dək Ermənistan silahlı qüvvələrinin bölmələri Ağdam rayonunun işğal olunmuş Seyidli kəndinin cənubundakı mövqelərindən Azərbaycan Silahlı Qüvvələrinin həmin rayonun Qaradağlı kəndi sahəsindəki mövqelərini avtomatlardan və pulemyotlardan vaxtaşırı atəşə tutmuşlar.

ATƏT-in hazırkı sədrinin şəxsi nümayəndəsinin mandatına uyğun olaraq, sentyabrın 19-da Azərbaycan Respublikası və Ermənistan Respublikası Silahlı Qüvvələrinin Ağdam rayonunun Yusifcanlı yaşayış məntəqəsi sahəsindəki qoşunların təmas xəttində monitorinq keçirilməsi planlaşdırılır.

Sentyabrın 12-də saat 23:30-dan 23:45-dək Ermənistan Silahlı Qüvvələrinin bölmələri Ağdam rayonunun işğal olunmuş Baş Qərvənd kəndinin cənubundakı mövqelərindən Azərbaycan Silahlı Qüvvələrinin həmin rayonun Əhmədağalı kəndi sahəsindəki mövqelərini avtomatlardan və pulemyotlardan atəşə tutmuşlar.

Azərbaycan Respublikasının Müdafiə naziri general-polkovnik Səfər Əbiyev Rusiya Federasiyasının Müdafiə naziri Sergey İvanovun dəvətilə sentyabrın 6-dan 8-dək Moskva şəhərində işgüzar səfərdə olmuşdur.

Azərbaycan Respublikasının Müdafiə naziri general-polkovnik Səfər Əbiyev Rusiya Federasiyasının Müdafiə naziri Sergey İvanovun dəvətilə sentyabrın 6-da Moskva şəhərinə səfərə yola düşmüşdür.

Sentyabrın 3-də Azərbaycan Respublikasının Müdafiə naziri general-polkovnik Səfər Əbiyev Pakistan İslam Respublikasının Azəbaycan Respublikasındakı fövqəladə və səlahiyyətli səfiri Faiz Məhəmməd Xosonu qəbul etmişdir.

Azərbaycan Respublikasının Müdafiə naziri general-polkovnik Səfər Əbiyev Rusiya Federasiyasının Müdafiə naziri Sergey İvanovun dəvətilə MDB-nin beş ölkəsinin Hərbi Hava Qüvvələri ilə təmsil olunan “Döyüş Birliyi - 2001” təlimlərində iştirak etmək üçün avqustun 29-da Həştərxan şəhərinə yola düşmüşdür.

ATƏT-in hazırkı sədrinin şəxsi nümayəndəsinin mandatına uyğun olaraq, avqustun 31-də Azərbaycan Respublikası və Ermənistan Respublikası Silahlı Qüvvələrinin Qazax rayonu Cəfərli yaşayış məntəqəsi sahəsindəki qoşunların təmas xəttində monitorinq keçirilməsi planlaşdırılır.

Avqustun 28-də Azərbaycan Respublikasının Müdafiə naziri general-polkovnik Səfər Əbiyev Azərbaycan Ali Hərbi Məktəbinin buraxılış mərasimində Azərbaycan Respublikasının Prezidenti, Silahlı Qüvvələrin Ali Baş Komandanı cənab H.Əliyevin və Müdafiə nazirinin adından təhsildə fərqlənən məzunlara və onların təlim-tərbiyəsində yüksək göstəricilər əldə edən zabitlərə elan edilmiş qiymətli hədiyyələri təqdim etmişdir.

Azərbaycan Respublikasının Müdafiə naziri general-polkovnik Səfər Əbiyevin dəvətilə Türkiyə Respublikası Silahlı Qüvvələrinin Baş Qərargah rəisi ordu generalı Hüseyn Kıvrıkoğlu avqustun 25-i və 26-da Bakıda rəsmi səfərdə olmuşdur.