NATO ilə Azərbaycan Respublikası arasında imzalanmış fərdi proqrama uyğun olaraq, “Sülh Naminə Tərəfdaşlıq” proqramı çərçivəsində iyulun 15-dən 19-dək Oberammerqau şəhərində (Almaniya Federativ Respublikası) Çoxmillətli birgə Maddi-texniki təminat Mərkəzi üzrə kurs, iyulun 15-dən 26-dək Andermatt şəhərində (İsveçrə) “Sülh Naminə Tərəfdaşlıq” proqramı çərçivəsində yay dağ təlimi və iyulun 15-dən avqustun 2-dək NATO/SNT ölkələri əməliyyat-qərargah zabitləri üçün kurs keçiriləcəkdir.

ATƏT-in hazırkı sədrinin şəxsi nümayəndəsinin mandatına uyğun olaraq, iyulun 12-də Goranboy rayonunun Tapqaraqoyunlu kəndi istiqamətində, qoşunların təmas xəttində monitorinq keçirilməsi planlaşdırılır.

Azərbaycan Respublikasının Müdafiə naziri general-polkovnik Səfər Əbiyev “Silahların, hərbi texnikanın və döyüş sursatlarının” (“Russian expo ARMS – 2002”) beynəlxalq sərgisində iştirak etmək üçün iyulun 8-də Rusiya Federasiyası Sverdlovsk vilayətinin Nijni Taqil şəhərinə yola düşmüşdür.

NATO ilə Azərbaycan Respublikası arasında imzalanmış fərdi proqrama uyğun olaraq, “Sülh Naminə Tərəfdaşlıq” proqramı çərçivəsində iyulun 8-dən 12-dək Oberammerqau şəhərində (Almaniya Federativ Respublikası) Ehtiyat qüvvələri və səfərbərlik üzrə tanışlıq kursu və İzmir şəhərində (Türkiyə Respublikası) Birgə hərəkət və yerləşdirmə üzrə tanışlıq kursu keçiriləcəkdir.

NATO ilə Azərbaycan Respublikası arasında imzalanmış fərdi proqrama uyğun olaraq, “Sülh Naminə Tərəfdaşlıq” proqramı çərçivəsində iyulun 1-dən 3-dək Lvov şəhərində (Ukrayna) “Cooperativ Advencer Exchange - 02” təlimlərinin yekun planlaşdırma konfransı və iyulun 1-dən 5-dək Oberammerqau şəhərində (Almaniya Federativ Respublikası) Adi silahlara nəzarət üzrə informasiya mübadiləsi kursu keçirilir.

İyunun 27-də Azərbaycan Respublikasının Müdafiə naziri general-polkovnik Səfər Əbiyev Fransa Respublikasının Azərbaycan Respublikasındakı fövqəladə və səlahiyyətli səfiri xanım Şantal Puareni, Gürcüstan və Azərbaycan Respublikasındakı hərbi attaşesi polkovnik Fransis Monkobeqi qəbul etmişdir.

NATO ilə Azərbaycan Respublikası arasında imzalanmış fərdi proqrama uyğun olaraq, “Sülh Naminə Tərəfdaşlıq” proqramı çərçivəsində iyunun 24-dən 25-dək Moskva şəhərində (Rusiya Federasiyası) Qəzaların qarşısının alınması üzrə təlimlərin əsas planlaşdırma konfransı, iyunun 24-dən 28-dək Oberammerqau şəhərində (Almaniya Federativ Respublikası) Çoxmillətli tərkibli böhranların idarə olunması üzrə və NATO/SNT çərçivəsində çoxmillətli tibb xidmətlərinin fəaliyyətlərinin planlaşdırılmaşı üzrə kurslar, iyunun 24-dən iyulun 1-dək Ankara şəhərində (Türkiyə Respublikası) Sülhün dəstəklənməsi əməliyyatları zamanı qaçqınlara nəzarət üzrə kurs keçiriləcəkdir.

MDB Müdafiə Nazirləri Şurasının qərarına uyğun olaraq iyunun 22-dən 29-dək Odessa şəhərində (Ukrayna) Birlik dövlətləri Silahlı Qüvvələrinin III Spartakiadası keçiriləcəkdir.

NATO ilə Azərbaycan Respublikası arasında imzalanmış fərdi proqrama uyğun olaraq, “Sülh Naminə Tərəfdaşlıq” proqramı çərçivəsində iyunun 19-dan 27-dək Vatertaun şəhərində (ABŞ) “Kooperativ NUGGET – 02” təlimlərinin ikinci fazası, iyunun 21-dən iyulun 6-dək Konstansa şəhərində (Rumıniya) “Kooperativ Partnyor - 02” təlimləri keçiriləcəkdir.

NATO ilə Azərbaycan Respublikası arasında imzalanmış fərdi proqrama uyğun olaraq, “Sülh Naminə Tərəfdaşlıq” proqramı çərçivəsində iyunun 16-dan 19-dək Verona şəhərində (İtaliya) NATO-nun Cənub regionunun maddi-texniki təminatı mövzusunda konfrans, iyunun 16-dan 28-dək Spiz şəhərində (İsveçrə) Yüngül atıcı silahların istifadəsinin idarə olunması üzrə kurs, iyunun 17-dən 19-dək Saynt Diziyer şəhərində (Fransa) “Kooperativ Key – 02” təlimlərinin Yekun planlaşdırma konfransı, iyunun 17-dən 21-dək Şrivenham şəhərində (Böyük Britaniya) “Sülhü qoruma və dəstəkləmə əməliyyatları üzrə Böyük Britaniyanın doktrinası” mövzusunda seminar, Oeiras şəhərində (Portuqaliya) Çoxmillətli Birləşmiş Operativ Qüvvələr ilə tanışlıq üzrə işçi görüş, Nyusidi şəhərində (Avstriya) NATO-nun hava hücumundan müdafiə Komitəsinin 12-ci seminarı, Ankara şəhərində (Türkiyə) “İpək yolu 2002” seminarı, iyunun 17-dən 28-dək Tbilisi şəhərində (Gürcüstan) “Kooperativ Best Effort - 02” təlimləri və Manhaym şəhərində (Almaniya Federativ Respublikası) Hərbi ingilis dili müəllimləri üçün təlim seminarı keçiriləcəkdir.