Əsgər Taleh Əsgərli - yunan-Roma güləşi üzrə Azərbaycan çempionatının qalibi: "İdmanda nailiyyət qazanmaq üçün əzmkarlıqla yanaşı, qətiyyət və nizam-intizam da vacibdir. Bundan başqa daima öz üzərində səylə çalışmalısan ki, məqsədinə çatasan, çempion olasan. Mülki həyatda olduğu kimi, burada da günün müəyyən edilmiş saatlarında idmanla məşğul olur, fiziki göstəricilərimi artırıram".


Əsgər Rəvan İsmayılov - kikboksinq üzrə Azərbaycan çempionatının qalibi: "İnsan hər zaman sağlam, qüvvətli və ağıllı olmalıdır. Bunun üçün də mütəmadi olaraq idmanla məşğul olmalısan. İdman insanların sağlamlığı və fizioloji formalaşması üçün vacibdir".


Əsgər Arif Məmmədzadə - cüdo və qaydasız döyüş üzrə Azərbaycan çempionatının qalibi: "Fiziki cəhətdən daha hazırlıqlı olan əsgər verilən tapşırıqları daha cəld və çevik yerinə yetirəcək. Ona görə də hər birimiz çalışırıq ki, fiziki hazırlıq saatlarından səmərəli istifadə edib, öz göstəricilərimizi daha da artıraq. Bölməmizdə idmanla məşğul olmağımız üçün hər cür şərait yaradılıb. Biz də bu şəraitdən faydalanıb sağlam, güclü, yüksək döyüş qabiliyyətli əsgərlər kimi formalaşırıq".

"Azərbaycan Ordusu"