2024-cü ilin hazırlıq planına əsasən, "N" hərbi hissəsində "Ən yaxşı rabitə bölüyü" adı uğrunda yarış keçirilib.
Şəxsi heyətin bilik və bacarıqlarının artırılması, müasir rabitə avadanlıqlarının imkanlarının dərindən mənimsənilməsi, eləcə də döyüş vərdişlərinin təkmilləşdirilməsi məqsədilə keçirilən yarışda rabitə bölmələrinin hazırlığı yoxlanılıb.
Hərbi qulluqçulara sıra baxışı keçirildikdən sonra onların nəzəri, praktiki bilikləri və fiziki hazırlıqları üzrə məqbullar qəbul edilib.
Yarışın yekununda "Ən yaxşı rabitə bölüyü" adına layiq görülən bölmə müəyyən edilərək mükafatlandırılıb.

"Azərbaycan Ordusu"