"N" hərbi hissənin yaranmasının 26-cı ildönümünə həsr olunan tədbir keçirilib.
Tədbir Ulu Öndər Heydər Əliyevin və torpaqlarımızın ərazi bütovlüyü uğrunda canlarından keçən şəhidlərimizin əziz xatirəsinin bir dəqiqəlik sükutla yad edilməsi və Azərbaycan Respublikasının Dövlət Himninin səsləndirilməsi ilə başlayıb.
Polkovnik Seymur Həbibullahov hərbi hissənin şəxsi heyətini əlamətdar gün münasibətilə təbrik edib, müdafiə nazirinin müavini - Quru Qoşunlarının komandanı general-leytenant Hikmət Mirzəyevin təbrikini şəxsi heyətin diqqətinə çatdırıb.
Tədbir iştirakçılarına hərbi hissənin yaranması tarixi və keçdiyi döyüş yolu haqqında məlumat verilib. Hərbi hissənin keçmiş döyüşçüləri, ehtiyatda olan zabitlər hərbi hissənin yarandığı ilk illərdə keçdikləri ağır və çətin döyüş yolları ilə bağlı xatirələrini bölüşüblər.
Sonra xidmətdə fərqlənən hərbi qulluqçulara fəxri fərmanlar təqdim olunub.
Tədbir iştirakçılarına Gəncə Qarnizonu İdeoloji və Mədəniyyət Mərkəzinin yaradıcı heyəti tərəfindən təqdim olunan konsert proqramı böyük coşqu ilə qarşılanıb.

"Azərbaycan Ordusu"