Azərbaycan Respublikasının bütün ərazisində qanunun aliliyinin təmin olunması və ölkəmizin dövlət suverenliyinin bərpası ilə nəticələnən uğurlu antiterror əməliyyatından bir il ötür.
Bu münasibətlə Müdafiə Nazirliyinin təsdiq etdiyi plana uyğun olaraq, Gəncə Qarnizonu İdeoloji və Mədəniyyət Mərkəzinin təşkilatçılığı ilə Azərbaycan Ordusunda antiterror əməliyyatının ildönümünə həsr olunmuş silsilə tədbirlər keçirilib.
Tədbirlərdə əvvəlcə Ulu Öndər Heydər Əliyevin və Azərbaycanın suverenliyi, müstəqilliyi, ərazi bütövlüyü uğrunda canından keçən şəhidlərimizin xatirəsi bir dəqiqəlik sükutla yad edilib. Azərbaycan Respublikasının Dövlət Himni səsləndirilib.
Şəxsi heyət tərəfindən maraqla qarşılanan tədbirlərdə Ali Baş Komandanın rəhbərliyi altında Ermənistan silahlı qüvvələrinin qalıqlarının tərksilah edilərək torpaqlarımızdan çıxarılması naminə həyata keçirilən antiterror əməliyyatında hərbi qulluqçularımızın göstərdiyi igidliklərdən danışılıb, videoçarxlar nümayiş etdirilib, vətənpərvərlik mövzusunda musiqilər səsləndirilib.
Silsilə tədbirlərdə, həmçinin "Əsgərə məktub" layihəsi çərçivəsində vətəndaşlar tərəfindən yazılmış məktublar hərbi qulluqçulara çatdırılıb.
Hərbi qulluqçular onlara ünvanlanmış məktubları maraqla oxuyub və cavab məktubları yazıblar.

"Azərbaycan Ordusu"