Beynəlxalq Ordu Oyunları çərçivəsində Moskva yaxınlığındakı Alabino poliqonunda keçirilən “Səhra mətbəxi” müsabiqəsində iştirak edən Azərbaycanın hərbi aşpazları yarışların liderlər üçlüyünə daxil olublar.
Yarışların ikinci mərhələsinin yekun nəticələrinə görə Rusiya və Belarusdan sonra üçüncü yeri tutan Azərbaycan hərbi aşpazları üçüncü mərhələdə Belarus nümayəndələrini arxada qoyaraq ikinci yerə yüksəliblər.
Milli mətbəximizi yüksək səviyyədə təqdim edən hərbi aşpazlarımızın yarışlardakı uğurlu iştirakı davam edir.