Bir neçə gündən bəri münaqişə zonasındakı sabitləşmiş vəziyyət yenidən dəyişmişdir.
Dünən xəbər verilmişdir ki, Füzuli rayonunu tanınma nişanı olmayan təyyarə bombalamışdır. Bu faciə nəticəsində 20 nəfər yaralanıb, 2 nəfər həlak olub.
Sərhəd bölgələrində narahatlıq yalnız Zəngilan rayonu ərazisində olub. Ötən gecə Şükürataz yüksəkliyi Mehri istiqamətindən tank və “Qrad” qurğularından atəşə tutulub. Nəticədə 1 nəfər döyüşçümüz yaralanıb. Digər münaqişə bölgələrində gecə nisbətən sakit keçib.