Qubadlı

Ötən gecə Gorus istiqamətindən Laçın və Qubadlının kəndləri artilleriya atəşinə tutulub. Düşmənə cavab atəşi açılıb. Avqustun 28-nə keçən gecə SQ-miz tərəfindən Laçın dəhlizindən keçmək istəyən daha bir maşın karvanının qarşısı alınıb.

Zəngilan

Keçən gecə saat 21:00-dək Seyidlər, Qazançı və Günqışlaq kəndləri Qafan ərazisindən müxtəlif növ silahlardan atəşə tutulub. Zəngilana 2 mərmi düşüb.

Ağdam

Ötən gecə Ağdam bölgəsindəki SQ-miz döyüş əməliyyatlarını davam etdirmiş, düşmənlərdən daha bir kəndimizi – Baş Güneypəyəni azad etmişlər. Dünən axşam Çıldıran kəndi yaxınlığında ermənilərin top batareyası sıradan çıxarılıb.

Hazırda Mehmanə kəndi ətrafında və Çıldıran istiqamətində qızğın döyüşlər gedir. Döyüşlər zamanı bizim tərəfdən 7 nəfər həlak olmuş, 21 nəfər əsgərimiz yaralanıb. 1-ci Batalyonun komandiri Allahverdi Qəmbərov qəhrəmancasına həlak olub.

Tərtər

Ətraf mövqelərdən Drmbon kəndini düşmən atəşə tutur.

Naxçıvan

MR-nın Sədərək qəsəbəsi ara-sıra atəşə tutulub. Biz tərəfdən 1 nəfər yaralanıb.