Qubadlı

Laçın rayonunun Xanalar, Suarası, Mazutlu və Malxələf kəndlərindəki erməni mövqeləri SQ-miz tərəfindən artilleriya atəşinə tutulub. Xeyli düşmən məhv edilib. Hazırda adları sadalanan kəndlər topçularımızın tam nəzarəti altındadır. 

Zəngilan

Rayon ərazisində sakitlikdir. Ancaq artilleriya ilə Mehri ərazisi atəşə tutulmuşdur. Bundan sonra Ermənistan istiqamətindən Ordubadın bombardman edilməsinin arası kəsilib.

Kəlbəcər

Arutyunoqomer ətrafındakı strateji yüksəkliklər bizim nəzarətimiz altındadır. Drmbon ətrafında döyüşlər gedir.

Tərtər

Drmbona gedən yol üstündə düşmənin xeyli qüvvəsi yığılıb. Kənd istiqamətində irəliləyirik.

Füzuli

Bu gün ermənilərin 1 tankı vurulub. Əməliyyat vaxtı biz tərəfdən 52 nəfər həlak olmuş, 70 nəfər yaralanmışdır. 2 tankımız vurulub.

Cəbrayıl

Dünən alınan Şişdağ mövqesi geri verilib. Döyüş vaxtı 20 nəfər həlak olub, 101 nəfər yaralanıb, 2 tank, 1 BMP vurulub.

Naxçıvan

15:30-dan başlayaraq Ordubad rayonunun ərazisi Mehri istiqamətindən müxtəlif silahlardan atəşə tutulub. Əraziyə 50-dək mərmi düşüb. Dağıntı var. Ordubad və Zəngilan rayonlarından atılan cavab atəşindən sonra düşmən susdurulub. Naxçıvan MR-nın Şahbuz rayonunun Şada məntəqəsi ara-sıra atəşə tutulub.

Ağstafa

Avqustun 16-na keçən gecə ermənilər Qanlıdərə deyilən ərazini atəşə tutmuşlar. Düşmən cavab atəşilə susdurulub.