Gədəbəy

Avqustun 9-da saat 19:00-dan başlayaraq Mormor, Qaravəllər kəndləri Ermənistanın Krasnoselsk rayonu ərazisindən top və “Qrad” qurğularından atəşə tutulub. Düşmən ərazisində yerləşən atəş nöqtələrinə layiqli cavab verilib.

Zəngilan

Ötən gecə Vejnəli, Şükürataz və Ağbənd yaşayış məntəqələri Mehri rayonu ərazisindən top və iriçaplı pulemyotlardan atəşə tutulub.

Cəbrayıl

Keçən gecə Quşçular və Sur məntəqələri keçmiş Hadrut rayonu ərazisindən atəşə tutulmuş, nəticədə biz tərəfdən bir nəfər yaralanıb.

Füzuli

Avqustun 10-na keçən gecə Xələfşə, Çuvarlı kəndləri düşmən tərəfindən atəşə tutulub. Bir nəfər əsgərimiz yaralanıb. Dünən Martuni (Xocavənd) istiqamətində döyüşçülərimiz 1 tankı və 1 topu sıradan çıxarıblar.

Naxçıvan

Dünən saat 15:00-dan 17-dək Şərur rayonunun Havuş məntəqəsi və gün ərzində Sədərək qəsəbəsi düşmən tərəfindən atəşə tutulub.

Qazax, Tovuz, Ağstafa, Qubadlı, Ağdam, Tərtər bölgələrində gecə nisbətən sakit keçib.