Qazax

Gecə atışma zamanı Qazaxın ətraf kəndlərinə 10-15 mərmi düşüb. Tələfat yoxdur.

Ağstafa

Köhnə Qışlaq kəndi Ermənistan ərazisindən ara-sıra atəşə tutulmuşdur.

Tovuz

Hacıəli və Göyəbaxan kəndləri Başkənd istiqamətindən toplardan atəşə tutulmuşdur. Bir nəfər həlak olub, 3 nəfər yaralanıb.

Gədəbəy

Başkənd ətrafında şiddətli döyüşlər davam edir. Avqustun 5-də Göyəli istiqamətində düşmənin 1 tankı məhv edilib. Dörd nəfər erməni qulduru öldürülüb. Avqustun 6-na keçən gecə erməni birləşmələri Mutudərə kəndi istiqamətində hücuma keçiblər. Hücumun qarşısı alınır. Döyüşlər davam edir.

Zəngilan

Danışıq nəticəsində vəziyyət normallaşır, sakitlikdir.

Cəbrayıl

Hadrut istiqamətindən Süleymanlı kəndi top atəşinə tutulmuşdur.

Füzuli

Ara-sıra atışmalar davam edir.

Tərtər

Ağdərə ətrafında döyüşlər gedir.

Ağdam

Avqustun 6-na keçən gecə Əsgəran və Xanabad istiqamətindən toplardan atəşə tutulub. Şəhərə 20-dək mərmi düşüb.

Naxçıvan

Naxçıvan MR-da Sədərək qəsəbəsi, rayon mərkəzi daxil olmaqla Şərur rayonunun Mahmudkənd, Oğlanqala, Dizə, Yuxarı və Aşağı Yaycı, Cağazir, Yuxarı Daşarx, Şahbuz rayonunun Kömür kəndi toplardan və yüngül silahlardan sutka ərzində atəşə tutulmuşdur. Bəzi məntəqələrdə atışma davam edir.

Qubadlı və Kəlbəcər rayonlarında sakitlikdir.