Zəngilan

Bu gün Mehri ərazisindən Zəngilan rayonunun Vejnəli kəndi atəşə tutulmuşdur. Düşmənə cavab atəşi açılmışdır.

Kəlbəcər

Keçmiş Mardakert rayonu tərəfdən Kəlbəcər istiqamətində 60 maşın dəstəsi hərəkət edir.

Tovuz

Rayonun Həsənəli və Göyəbaxan kəndləri ermənilər tərəfdən top atəşinə tutulur. Haçallı postu səmtində ermənilərin 1 tankı görünmüş, sonra yoxa çıxmışdır.

Goranboy

Uğurlu döyüş əməliyyatları davam edir. Düşmənlərdən təmizlənmiş kəndlər müdafiə olunur.

Tərtər

Azərbaycan SQ-nin Tərtər bölmələri Ağdərə istiqamətində döyüş əməliyyatlarını davam etdirirlər. Bu gün Marquşavan, Marağa, Çaylı və Həsənqaya kəndləri düşmənlərdən tamamilə azad edilmişdir. Döyüş əməliyyatları Ağdərə yaxınlığında davam edir.

Ağdam

Rayon ərazisində nisbi sakitlikdir. Naxçıvanik kəndi erməni yaraqlıları tərəfdən atəşə tutulur. Döyüşçülərimiz cavab atəşləri ilə düşməni geri çəkilməyə məcbur edirlər.

İyunun 18-də gündüz Gədəbəy, Qazax, Qubadlı, Laçın, Kəlbəcər, Füzuli və Cəbrayıl bölgələrində nisbi sakitlik olmuşdur.