Zəngilan

İyunun 5-dən 6-na keçən gecə rayonun Seyidlər və Qazançı kəndlərində ara-sıra atəş səsi eşidilmişdir. Rayonda nisbi sakitlikdir. Vəziyyət gərgin olaraq qalır.

Laçın

İyunun 5-də saat 16-da Rizvan Hümmətovun başçılıq etdiyi dəstənin döyüşçüləri Qazıdərə kəndini ermənilərdən azad etmişdir.

Ağdam

Dünən gecədən başlayaraq səhərədək rayonun Şelli, Papravənd, Qalayçılar, Yeni Qaralar və Gülablı kəndləri müxtəlif növ silahlardan atəşə tutulmuşdur. Döyüşçülərimiz düşmənə cavab atəşi açmışdır.

Tərtər

İyunun 6-da səhər saat 4-dən 8-dək Tərtər şəhəri ermənilər yaşayan Qırmızıkənd istiqamətindən “Qrad” tipli qurğulardan atəşə tutulmuşdur. Şəhərə 20-dək mərmi düşmüşdür. 1 nəfər 23 yaşlı qadın evində həlak olmuşdur. Müdafiəçi döyüşçülərimizdən 2 nəfər şəhid olmuş, 15 nəfər yaralanmışdır.
Tərtərin mərkəzində çoxlu tikili dağılmışdır.

Goranboy

Rayon ərazisi, Şəfəq, Zeyvə, Gurzallar və Todan kəndləri ermənilər yaşayan Manas kəndi səmtindən tanklardan və PDM-lərdən atəşə tutulmuşdur. İnsan təlafatı olmamışdır. Çaykənd səmtində ermənilərin canlı qüvvələri və zirehli texnikasının cəmləşməsi müşahidə olunur.

Tovuz

İyunun 5-də gecə saat 23-dən 01:30-dək rayonun Həsənli kəndi avtomat və pulemyotlardan atəşə məruz qalmışdır. Hazırda nisbi sakitlikdir.

Qazax-Ağstafa

Kiçik Cəfərli kəndinin ərazisi ara-sıra ermənilər tərəfindən avtomat və pulemyotlardan atəşə tutulmuşdur. Hazırda bölgədə nisbi sakitlik yaranmışdır. Vəziyyət gərgin olaraq qalır.

Naxçıvan

İyunun 5-də saat 19-dan sonra Şahbuz rayonunun Şada kəndindəki müdafiə postu, Ordubad rayonunun Kotam müdafiə postu avtomat və pulemyotlardan atəşə tutulur. Düşmənə cavab atəşi açılır.

Qalan bölgələrdə nisbi sakitlikdir. Kəlbəcərlə telefon əlaqəsi olmadığına görə, hələlik məlumat ala bilməmişik.