Ermənilər nəticəsiz həmlələrindən sonra öz fəallıqlarını azaltmağa məcbur olduqlarından, Azərbaycan Ordusunun hissələri tutduqları mövqelərdə möhkəmlənir və düşmənin bütünlüklə respublikamızın ərazisindən qovulması üçün lazımi əməliyyatlar aparmağa zəmin yaradırlar.
Yanvarın 11-də ermənilərin Ağstafa rayonunun Köhnəqışlaq kəndi istiqamətindəki mövqelərimizi artilleriya atəşinə tutmaq cəhdi axşama yaxın tamamilə boşa çıxıb. Sərrast atəşlə düşmənin mövqeləri darmadağın edilib.
Bu gün səhər saat 11:20-də respublikamızın Hava Hücumundan Müdafiə Qüvvələri keçmiş Ağdərə rayonunun Vəngli kəndi üzərində yenə də bir düşmən vertolyotunu məhv etmişdir.