Son gün ərzində cəbhə xəttində əhəmiyyətli dəyişiklik baş verməyib. Əsas döyüşlər Murovdağın aşırımında gedir. Buradakı döyüşçülərimiz erməni hərbi birləşmələrinə zərbələr endirirlər. Ağdərə bölgəsindəki qüvvələrimiz dünən, aprelin 17-də düşmənin 1 vertolyotunu məhv ediblər.
Dünən Zəngilan bölgəsində vəziyyət yenidən gərginləşib. Ermənistan ordusunun bölmələri günortadan sonra 3 istiqamətdə hücuma keçməyə cəhd ediblər. Döyüşçülərimiz bu hücumun qarşısını almaq üçün zəruri tədbirlər görüblər.
Erməni işğalçıları digər sərhəd bölgələrimizdə də vəziyyəti gərginləşdirməyə çalışırlar. Dünən, aprelin 17-də Gədəbəydəki sərhəd məntəqələrimiz, aprelin 18-nə keçən gecə isə Ağstafanın Köhnə-Qışlaq kəndi Ermənistan ərazisindən müxtəlif təyinatlı silahlardan atəşə tutulub.