NATO ilə Azərbaycan Respublikası arasında imzalanmış fərdi proqrama uyğun olaraq, “Sülh Naminə Tərəfdaşlıq” proqramı çərçivəsində oktyabrın 6-dan 8-dək Varna şəhərində (Bolqarıstan) “SNT çərçivəsində Dəniz piyadalarının təhlükəsizliyi” mövzusunda seminar, oktyabrın 6-dan 10-dək Bakı şəhərində (Azərbaycan Respublikası) “Kooperative Best Effort-04” təliminin ilk planlaşdırma konfransı, Neapol şəhərində (İtaliya) “Kooperative Associate Al-2” təliminin hazırlıq-təlim tədbiri, oktyabrın 6-dan 16-dək Aaxen şəhərində (Almaniya Federativ Respublikası) “NATO-nun Maddi-Texniki Təminat üzrə kursu”, Ankara şəhərində (Türkiyə Respublikası) “NATO-nun Mülki-hərbi əməkdaşlıq üzrə taktiki kursu”, oktyabrın 7-dən 10-dək Piteşti şəhərində (Rumıniya) “Fəlakətlərlə mübarizə üzrə Dacia-2003 təlimi” keçirilir.  
Tədbirlərdə Azərbaycan Respublikası Silahlı Qüvvələrinin nümayəndələri iştirak edirlər.