Ermənistan silahlı qüvvələrinin bölmələri iyulun 12-də saat 00:15-dən 00:30-dək Ermənistan Respublikası Noyamberyan rayonunun Voskepar kəndinin şimal-şərqində yerləşən mövqelərindən Azərbaycan Silahlı Qüvvələrinin Qazax rayonunun Əskipara kəndi yaxınlığındakı mövqelərini;
- saat 03:15-dən 06:50-dək Berd rayonunun Çinari kəndinin şimal-şərqində yerləşən mövqelərindən Azərbaycan Silahlı Qüvvələrinin Tovuz rayonunun Koxa Nəbi kəndi yaxınlığındakı mövqelərini avtomatlardan və pulemyotlardan atəşə tutmuşlar.
Cavab atəşilə düşmən susdurulmuşdur.
İtki yoxdur.