Havaların kəskin istiləşməsi ilə əlaqədar müdafiə naziri general-polkovnik Səfər Əbiyevin əmrinə əsasən hərbi hissələrdə təlimlər demək olarki, mahdudlaşdırılmışdır. Əsgərlərin istidən və günvurmadan qorunması üçün alınan tədbirlər nəticəsində bu günə kimi hər hansı bir xoşagəlməz hadisə başverməmişdir. Kazarmalarda yelpənəklər sutka ərzində işləyir, əsgərlərin gündüzlər istirahəti üçün kölgəliklər yaradılır. Səngərdə dayanan əsgərlərə diqqət daha da gücləndirilmişdir, burada su ilə təchizat məsələsinə xüsusi fikir verilir.