Ermənistan silahlı qüvvələrinin bölmələri oktyabrın 8-də saat 20:10-dan 20:45-dək Tərtər rayonunun Seysulan kəndinin yaxınlığında yerləşən mövqelərdən;
- saat 21:05-dən 22:05-dək və saat 22:24-dən 22:38-dək Xocavənd rayonunun ərazisindəki adsız yüksəkliklərdə və Kuropatkino kəndində yerləşən mövqelərdən;
- saat 21:50-dən 22:00-dək və saat 23:25-dən 23:30-dək Füzuli rayonunun ərazisindəki adsız yüksəkliklərdə və Aşağı Veysəlli kəndində yerləşən mövqelərdən;
- saat 20:30-dan oktyabrın 9-u saat 05:45-dək fasilələrlə Ağdam rayonunun ərazisindəki adsız yüksəkliklərdə və Cəvahirli kəndinin yaxınlığında yerləşən mövqelərdən;
- saat 05:15-dən 05:20-dək Füzuli rayonunun Aşağı Veysəlli kəndinin yaxınlığında yerləşən mövqelərdən Azərbaycan Silahlı Qüvvələrinin üzbəüz mövqelərini avtomat və pulemyotlardan atəşə tutmuşlar.
Bütün hallarda cavab atəşilə düşmən susdurulmuşdur.
İtki yoxdur.