Dekabrın 3-də Azərbaycan Respublikasının Müdafiə naziri general-polkovnik Səfər Əbiyev Azərbaycanda işgüzar səfərdə olan Bəhreyn Krallığının Müdafiə naziri-Bəhreyn Müdafiə Qüvvələri Komandanının müavini general Şeyx Xəlifə Bin Əhməd Əl Xəlifəni və nümayəndə heyətini qəbul etmişdir.
Görüş zamanı müdafiə sahəsində iki ölkə arasında əməkdaşlıq, Cənubi Qafqaz regionunda mövcud olan hərbi-siyasi vəziyyət, Ermənistan-Azərbaycan münaqişəsi və qarşılıqlı maraq doğuran digər məsələlər ətrafında geniş fikir mübadiləsi aparılmışdır.