ATƏT-in fəaliyyətdə olan sədrinin şəxsi nümayəndəsinin mandatına uyğun olaraq, avqustun 31-də Azərbaycan və Ermənistan dövlət sərhədinin Tovuz rayonu istiqamətində keçirilən monitorinq insidentsiz başa çatıb.
Monitorinq zamanı Azərbaycan tərəfinin guya atəşkəs rejimini pozması barədə Ermənistan Xarici İşlər Nazirliyinin yaydığı məlumata cavab olaraq bildiririk ki,  bu məlumat yalan və dezinformasiyadır.
Monitorinqdə iştirak edən beynəlxalq missiyanın nümayəndələri atəşkəs rejiminin pozulması faktını qeydə almayıblar.