2019-cu ilin hazırlıq planına uyğun olaraq “N” nömrəli hərbi hissədə müddətdən artıq həqiqi hərbi xidmət hərbi qulluqçularının hazırlıq kursuna cəlb olunan heyətlə kütləvi tərbiyəvi tədbir keçirilib.
Əvvəlcə Azərbaycan xalqının ümummilli lideri Heydər Əliyevin və torpaqlarımızın azadlığı uğrunda şəhid olmuş soydaşlarımızın xatirəsi bir dəqiqəlik sükutla yad edilib. Hərbi orkestrin müşayiəti ilə Dövlət himni ifa olunub.
Tədbirdə çıxış edənlər kursantlara gələcək xidmətlərinin nümunəvi təşkili üçün qanunların və nizamnamələrin tələblərinə əməl olunmasının vacibliyini geniş izah edərək Müdafiə nazirinin əmr və tapşırıqlarını onların diqqətinə çatdırıblar.